O‘zbekiston va Tojikiston yuk tashish jarayonlarini soddalashtirmoqchi

Bugun 15:461 daqiqa

Tomonlar qurilish materiallarini tashish xarajatlarini kamaytirish, vagonlardan yuk tushirishni tezlashtirish va chegara punktlaridan yuklarni o‘tkazishni yengillashtirish masalalarini muhokama qildi.

O‘zbekiston va Tojikiston yuk tashish jarayonlarini soddalashtirmoqchi

O‘zbekiston va Tojikiston o‘zaro yuk tashishni tezlashtirish hamda O‘zbekistondan eksport hajmini oshirish bo‘yicha qisqa muddatda choralar ko‘rishga kelishib oldi. Bu haqda Transport vazirligi xabar berdi.

Mazkur masalalar transport vaziri Ilhom Mahkamov va Tojikiston iqtisodiy taraqqiyot va savdo vaziri o‘rinbosari Ruxshona Nasriddinzoda boshchiligidagi delegatsiya uchrashuvida ko‘rib chiqildi.

Muzokaralarda O‘zbekistondan Tojikistonga avtomobil transportida qurilish materiallarini olib o‘tish uchun undiriladigan yig‘imlarni maqbullashtirishga alohida e’tibor qaratildi.

Shuningdek, temiryo‘l orqali Tojikistonga yetkazilayotgan eksport yuklarini vagonlardan tushirishni tezlashtirish ko‘rib chiqildi.

Tomonlar chegara punktlarining o‘tkazuvchanligini oshirish, eksport va tranzit jarayonlarini soddalashtirish hamda yuk tashuvchilar uchun qulay sharoit yaratish yuzasidan ham fikr almashdi.

Uchrashuv yakunida muhokama qilingan masalalar bo‘yicha zarur choralarni qisqa muddatda amalga oshirishga kelishildi.

Eslatib o‘tamiz, avvalroq Tojikiston O‘zbekiston bilan qo‘shma investitsiya kompaniyasining faoliyat shartlarini o‘zgartirishni rejalashtirayotgani haqida yozgandik.

Teglar

transport Tojikiston logistika eksport temiryo‘l O‘zbekiston

Mavzuga oid

08.11.2026 | 21:28

O‘zbekistonda gaz qazib olish 10 yilda 14 foizga kamaydi, iste’mol esa 53 foizga oshdi — «Eni»

«Eni» hisobotiga ko‘ra, O‘zbekistonda gaz iste’moli 10 yilda 53 foizga, neft iste’moli 75 foizga oshdi. Gaz qazib olish esa 14 foizga kamaydi.

10.11.2026 | 11:17

Savdoga eng ko‘p va eng kam bog‘liq bo‘lgan mamlakatlar qaysi?

Ayrim mamlakatlar xalqaro savdoga juda bog‘liq. Ular o‘zlarida ishlab chiqarish qiyin bo‘lgan mahsulotlarni boshqa davlatlardan sotib oladi yoki iqtisodiyotining muhim tarmoqlari uchun zarur bo‘lgan tovar va xizmatlarni xorijga sotadi. Ba’zi mamlakatlarda eksport va importning umumiy qiymati yillik yalpi ichki mahsulot hajmidan bir necha baravar yuqori.

10.11.2026 | 10:33

O‘zbekiston Qozog‘iston va Xitoy bilan aviaqatnovlar sonini oshirmoqda

Qozog‘iston bilan Toshkent — Olmaota va Toshkent — Ostona yo‘nalishlarida haftalik reyslar 42 tadan 60 taga, Xitoy bilan aviaqatnovlar esa 100 tadan 114 taga oshiriladi.

Kecha 14:35

Rossiya benzinining Markaziy Osiyoga eksporti 67 foizga oshdi

Yoz va kuz boshida Rossiyadagi yoqilg‘i taqchilligi sababli eksport cheklangan edi. Oktyabr oyida esa mintaqaga benzin va dizel yetkazib berish hajmi yana oshdi. Xususan, O‘zbekiston ham Rossiyadan dizel importini ikki barobar ko‘paytirdi.

Kecha 15:05

O‘zbekistonda elektr ishlab chiqarish 2,5 foizga kamaydi

2026-yilning 10-noyabr kuni jami 249,2 mln kVt/soat elektr energiyasi ishlab chiqarilib, umumiy hajm o‘tgan yilning mos davriga nisbatan 2,5 foizga kamaydi. Shu bilan birga, ushbu sanada mamlakat bo‘ylab elektr energiyasi iste’moli o‘tgan yilga qaraganda 8,5 foizga qisqargan.

09.11.2026 | 15:45

Trampning Eronga munosabati neft bozoridagi narxlarga qanday ta’sir qildi?

«JPMorgan» banki hisob-kitoblariga ko‘ra, sentabr oyida jahon bozorida neft taklifi talabdan kuniga 1,1 mln barrelga oshgan. Oktyabr oyida esa bu ko‘rsatkich kuniga 1,4 mln barrelga oshdi.