Samarqandda SHHTning xavfsizlik bo‘yicha yangi muloqoti boshlandi

Bugun 16:301 daqiqa

O‘zbekiston tashabbusi bilan tashkil etilgan xalqaro uchrashuvda terrorizm va ekstremizmga qarshi kurashish, raqamli texnologiyalar keltirib chiqarayotgan xavfsizlik tahdidlari muhokama qilinmoqda.

Samarqandda SHHTning xavfsizlik bo‘yicha yangi muloqoti boshlandi

Samarqand shahrida Xavfsizlik masalalari bo‘yicha SHHT plyus birinchi ekspertlar muloqoti o‘z ishini boshladi.

«Raqamli transformatsiya davrida xavfsizlik: yangi texnologiyalar rivojlanishini hisobga olgan holda terrorizm va ekstremizmga qarshi kurashish» mavzusidagi tadbir O‘zbekiston Respublikasi Davlat xavfsizlik xizmati rahbari general-polkovnik B.Qurbonov raisligida o‘tkazilmoqda.

Uchrashuv avvalida O‘zbekiston Prezidenti Shavkat Mirziyoyevning xalqaro muloqot qatnashchilariga murojaatini Prezident huzuridagi Xavfsizlik kengashi kotibi V. Mahmudov o‘qib eshittirdi.

Mazkur formatni yo‘lga qo‘yish tashabbusi O‘zbekiston Respublikasi Prezidenti Sh.Mirziyoyevga tegishli bo‘lib, ilk bor 2024-yilda SHHTning Ostona shahridagi sammitida yangragan.

2025-yilda Tyanszinda bo‘lib o‘tgan Tashkilotga a’zo davlatlar rahbarlari kengashi yig‘ilishida Xavfsizlik masalalari bo‘yicha SHHT plyus birinchi ekspertlar muloqotini Samarqandda o‘tkazish taklif qilingan edi.

Uchrashuvda SHHTga a’zo davlatlar, kuzatuvchilar, muloqot bo‘yicha hamkorlar maxsus xizmatlarining rahbarlari hamda vakillari, xalqaro tashkilotlar vakillari, shuningdek, taklif etilgan mehmonlar qatnashmoqda.

Teglar

xavfsizlik texnologiyalar Samarqand terrorizm SHHT ekstremizm

Mavzuga oid

Bugun 10:30

Dam olish kunlari qaysi banklar ishlaydi? (Ro‘yxat)

7-8-noyabr kunlari jami 24 ta bank tomonidan valuta ayirboshlash hamda pul o‘tkazmalarini amalga oshirish mumkin.

Kecha 23:00

IIV nazoratiga o‘tgan gaz va ko‘mir ta’minoti, o‘zbekistonliklarning AI uchun xarajatlari hamda «Humo»ning 586 mlrd so‘mlik foydasi — 6-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Bugun 16:00

«O‘zmetkombinat» ekologiyaga yetkazilgan zarar uchun 1,63 mlrd so‘m jarimaga tortildi

Ekologiya qo‘mitasiga ko‘ra, metallurgiya kombinati atmosferani me’yordan ortiq darajada ifloslantirgan va ekologik talablarni qo‘pol ravishda buzgan.

Bugun 09:30

Endi yong‘in sababchisi qurbonlarning oilasiga 1 mlrd 320 mln so‘mgacha tovon puli to‘laydi

Prezident imzolagan qonunga ko‘ra, yong‘in xavfsizligi qoidalarini buzib, odamlar o‘limi yoki nogironligiga sabab bo‘lgan aybdorlarga BHMning 3000 baravarigacha tovon puli to‘lash majburiyati yuklatiladi.

Bugun 12:00

O‘zbekistonda norasmiy bandlik 2030-yilgacha 25 foizgacha qisqartiriladi

Yangi strategiya loyihasida 2030-yilgacha ishsizlikni 4 foizga tushirish, 700 ming nafar fuqaroni kasb-hunar va xorijiy tillarga o‘qitish, talabalar uchun esa majburiy amaliyot joriy etish belgilangan.

Kecha 20:34