O‘zbekiston Orolbo‘yi uchun 5 mln dollar ajratadi: u nimaga ishlatiladi?

Bugun 20:002 daqiqa

Avval 16,2 mln dollar mablag‘ jalb qilingan.

O‘zbekiston Orolbo‘yi uchun 5 mln dollar ajratadi: u nimaga ishlatiladi?

O‘zbekiston Orol dengizi mintaqasi uchun BMTning Inson xavfsizligi bo‘yicha ko‘p tomonlama trast fondining ikkinchi bosqichiga 5 mln dollar ajratish majburiyatini oldi. Bu haqda Ekologiya va iqlim o‘zgarishi milliy qo‘mitasi xabar berdi.

Ikkinchi bosqich 2030-yilgacha mo‘ljallangan. U alohida individual sinov loyihalardan o‘lchanadigan natijalarga ega va aholining keng qatlamini qamrab oladigan yirik kompleks dasturlarga o‘tishni nazarda tutadi. Hukumatning hissasi xalqaro hamkorlarning qo‘shimcha mablag‘larini jalb qilish, aralash moliyalashtirish mexanizmlarini shakllantirish va ishtirokchilar doirasini kengaytirish uchun asos sifatida qaralmoqda.

Fond 2018-yilda tashkil etilgan. Birinchi bosqich davomida u 16,2 mln dollar mablag‘ jalb qilgan. Loyiha takliflari bo‘yicha o‘tkazilgan to‘rtta tanlov natijasida BMT tizimidagi sakkizta tashkilot ishtirokida to‘qqizta qo‘shma dastur va bitta alohida agentlik loyihasi moliyalashtirilgan. 2023-yilning oxiriga kelib, tashabbuslar Qoraqalpog‘istonning sakkizta tumanida 293 mingdan ortiq bevosita benefitsiarni qamrab olgan.

Uchrashuvda Orol ekologik halokati oqibatlari aholi salomatligi, ekotizimlar holati, suv va oziq-ovqat resurslaridan foydalanish imkoniyati, daromad manbalari hamda mahalliy jamoalarning hayot sifatiga ta’sir ko‘rsatishda davom etayotgani ta’kidlangan.

Fond faoliyatining keyingi bosqichidagi ustuvor yo‘nalishlar qatorida iqlim o‘zgarishiga chidamlilikni oshirish, suv resurslarini boshqarish, sog‘liqni saqlash va barqaror daromad manbalarini qo‘llab-quvvatlash, ekologik va kasbiy ko‘nikmalarni shakllantirish hamda xususiy investitsiyalarni jalb qilish belgilangan.

Ishtirokchilar, shuningdek, kelishilgan huquqiy va moliyaviy talablar asosida BMT tizimiga kirmaydigan malakali tashkilotlarni jalb qilish orqali hamkorlik modelini kengaytirish masalasini ham muhokama qilgan.

Eslatib o‘tamiz, avvalroq Orolni qutqarish uchun 3,3 mlrd dollarlik 133 ta loyiha amalga oshirilishi haqida yozgan edik. Pullarni Jahon banki, Osiyo taraqqiyot banki, Yevropa tiklanish va taraqqiyot banki, Yashil iqlim jamg‘armasi, Global ekologik jamg‘arma hamda boshqa xalqaro tashkilotlar beradi.

Teglar

investitsiya iqlim ekologiya moliya suv mablag‘

Mavzuga oid

Bugun 21:20

IMEI tizimidan maqsad to‘lov undirish emas — Bojxona qo‘mitasi

Farhod Olimjonov mazkur tizimning asl vazifasi g‘aznani to‘ldirish emas, aksincha, mamlakatda smartfonlarning qonuniy aylanmasi va iste’molchilar xavfsizligini ta’minlash ekanini aytdi.

Bugun 22:23

Saida Mirziyoyeva Parijda Emmanuel Makron bilan uchrashdi

Uchrashuvda mudofaa, xavfsizlik, sun’iy intellekt va iqtisodiy loyihalar muhokama qilindi.

Bugun 15:35

O‘zbekiston tibbiyotida bozor xizmatlari hajmi 14,2 foizga oshdi

Ko‘rsatilgan tibbiy xizmatlarning 45,5 foizi Toshkent shahri hissasiga to‘g‘ri kelgan.

Bugun 17:15

O‘zbekistonda telefonlar uchun import boji bekor qilinishi kutilmoqda

Bojxona qo‘mitasiga ko‘ra, O‘zbekiston JSTga a’zo bo‘lish arafasida mobil qurilmalar import bojini 0 foizga tushiradi.

Bugun 19:51

«Asia Alliance Bank» nufuzli «International Finance Awards 2026» xalqaro mukofotining ikkita muhim nominatsiyasida g‘oliblikni qo‘lga kiritdi

Bank tadbirkorlarga moslashuvchan kredit mahsulotlari, ishonchli hisob-kitob-kassa xizmatlari hamda har bir mijozga individual yondashuvni taklif etadi. Bankning raqamli xizmatlari ham e’tirof etildi.

Bugun 17:57

CLiCA dasturi bo‘yicha O‘zbekistonga 103,7 mln yevro ajratiladi

7 yilga mo‘ljallangan ushbu dasturni moliyalashtirishga yo‘naltiriladigan mablag‘larning umumiy hajmi 264,4 mln yevroni tashkil etadi. COP31 konferensiyasida bu pullar nimalarga yo‘naltirilishi aytildi.