Belgiya sentyabrda Falastinni davlat sifatida tan oladi

Belgiya tashqi ishlar vaziri Maksim Prevoning ma’lum qilishicha, mamlakat 2025 yil sentyabr oyida BMT Bosh Assambleyasi sessiyasida Falastinni rasman davlat sifatida tan oladi. Bu qaror Fransiya va Saudiya Arabistoni hamraisligidagi tashabbus doirasida amalga oshiriladi. Prevoning so‘zlariga ko‘ra, tan olish orqali Belgiya ikki davlatli yechim imkoniyatini saqlab qolish, Isroilning hududlarni kengaytiruvchi siyosatini qoralash va xalqaro huquq talablarini himoya qilishni ko‘zlamoqda. Rasmiy tan olish Falastindagi barcha isroilliklar tomonidan qo‘lga olingan asirlar ozod etilgandan keyin va HAMAS hech qanday boshqaruv rolini bajarmasligiga ishonch hosil qilingach, rasmiy jariy etiladi. Belgiya shu bilan birga, Isroil hukumati va HAMASga qarshi 12 ta milliy sanksiya joriy etishga qaror qildi. Ular qatorida: mustamlaka mahsulotlarini import qilishni taqiqlash, Isroil kompaniyalari bilan davlat xaridlari siyosatini qayta ko‘rib chiqish, noqonuniy mustamlakada yashovchi belgiyaliklarga konsullik yordamini cheklash, ikki isroillik vazir, zo‘ravon mustamlakachilar va HAMAS yetakchilarini «non-grata shaxslar» deb e’lon qilish kabi choralar bor. Yevropa Ittifoqi darajasida ham Isroil bilan hamkorlikni to‘xtatishga qaratilgan tashabbuslar qo‘llab-quvvatlanmoqda.