Janubiy Koreya sobiq prezidentining rafiqasi ham qamaldi

13.08.2025 | 10:1522433

Seulda sud sobiq birinchi xonim Kim Gon Sxini aksiyalar narxini manipulyatsiya qilish va pora olish ayblovlari bilan qamoqqa oldi.

Janubiy Koreya sobiq prezidentining rafiqasi ham qamaldi

Janubiy Koreyaning qamoqdagi sobiq prezidenti Yun Sok Yolning turmush o‘rtog‘i Kim Gon Sxi 12 avgust kuni bir qator iqtisodiy jinoyatlar aybi bilan hibsga olindi. BBC xabar berishicha, unga aksiyalar narxini sun’iy oshirish va pora olish kabi ayblovlar qo‘yilgan. Seuldagi sud majlisi 4 soat davom etdi. Kim Gon Sxi barcha ayblovlarni rad etgan bo‘lsa-da, sud dalillarni yo‘q qilish xavfi mavjudligiga ishora qilib, uni qamoqqa olish to‘g‘risida qaror chiqardi. Bu mamlakat tarixida ilk bor sobiq prezident ham, uning turmush o‘rtog‘i ham bir paytning o‘zida qamoqda saqlanayotgan holat bo‘ldi. Yun Sok Yol 2024 yil yanvarda mamlakatda harbiy holat e’lon qilib, siyosiy inqirozga sababchi bo‘lganidan keyin hibsga olingan edi. Prokuratura ma’lumotlariga ko‘ra, 52 yoshli Kim Gon Sxi BMW’ning Janubiy Koreyadagi rasmiy distribyutori «Deutsch Motors» aksiyalarini manipulyatsiya qilishda ishtirok etib, 800 mln von (taxminan 578 ming AQSH dollari) daromad olgan. Unga, shuningdek, cherkovdan biznes imtiyozlari evaziga ikki dona Chanel sumkasi va olmos marjonni pora sifatida qabul qilish ayblovi qo‘yilgan. Bundan tashqari, u 2022 yilgi qo‘shimcha parlament saylovlari va 2024 yilgi umumiy saylovlarda nomzodlar tanloviga aralashganlikda ham gumon qilinmoqda. Kim Gon Sxi sudga qara kostyum va yubkada kelib, jurnalistlar oldida jamiyatga noqulaylik keltirgani uchun uzr so‘radi.

Teglar

pora Janubiy Koreya Yun Sok Yol sud Kim Gon Sxi siyosiy inqiroz

Mavzuga oid

Kecha 21:35

Qora dengiz sohilidagi yagona Rossiya neftni qayta ishlash zavodi ishini to‘xtatdi

Tuapsedagi «Rosneft» neftni qayta ishlash zavodi faoliyatini to‘xtatdi. Sababi — Ukraina dronlarining zarbalari.

02.11.2025 | 14:53

Dushanbe Yevroittifoqning Tojikiston banklariga sanksiya qo‘llashiga norozilik bildirdi

Tojikiston Tashqi ishlar vazirligi YeI tomonidan bir qator milliy banklarni sanksiyalar ro‘yxatiga kiritilishiga qattiq e’tiroz bildirdi va bu qaror mamlakat moliya tizimiga salbiy ta’sir ko‘rsatishi mumkinligini ta’kidladi.

04.11.2025 | 08:38

Xitoy NQIZlari Rossiya neftining qariyb yarmiga boykot e’lon qildi

Xitoyning yirik neft kompaniyalari — Sinopec va PetroChina Donald Tramp ma’muriyati joriy etgan sanksiyalar ortidan Rossiya neft importini qisqartirdi. Boykot Moskva eksportining qariyb 45 foizini qamrab oldi.

01.11.2025 | 09:30

Rossiya generallari Putinga va’da qilingan front qulashini amalga oshira olmadi

Generallar Vladimir Putinga Ukraina fronti kuzga borib yemirilishini va’da qilgan, ammo noyabr kirib kelgan ekan, Moskva hech qanday sezilarli natijaga erishgani yo‘q.

03.11.2025 | 22:56

Pokiston tez orada o‘zining ilk suv osti kemasiga ega bo‘ladi

Pokiston harbiy-dengiz kuchlari 2026 yilda Xitoyda loyihalashtirilgan ilk suv osti kemasini qabul qilishni rejalashtirmoqda.

02.11.2025 | 17:16

AQSH Nigeriyaga qarshi harbiy operatsiyalarga tayyorlanmoqda

AQSH prezidenti Donald Tramp Nigeriya hukumatini nasroniy aholiga qarshi zo‘ravonliklarni to‘xtatmaslikda ayblab, Pentagonga ehtimoliy harbiy operatsiyalarga tayyorlanish bo‘yicha ko‘rsatma berdi.