JCH-2026. Ispaniya Fransiyani qiyinchiliksiz mag‘lub etib, birinchi finalchiga aylandi

Jahon chempionatida hal qiluvchi bahslar davom etmoqda.

Birinchi yarimfinalda tarkib borasida turnirning asosiy favoriti deb hisoblangan, 2022 yilgi mundial finalchisi Fransiya Yevropaning amaldagi chempioni Ispaniyaga imkoniyatni boy berdi.

Oyarsabal va Porroning gollari «qizil furiya»ni 16 yillik tanaffusdan so‘ng Jahon chempionati finaliga olib chiqdi. Fransuzlar esa qatorasiga uchinchi bor finalga chiqish imkoniyatidan foydalana olishmadi.

Ispaniya 19-iyul kungi hal qiluvchi bahsda Argentina — Angliya juftligi g‘olibiga qarshi o‘ynaydi.

JCH-2026. Yarimfinal
Fransiya — Ispaniya 0:2
14-iyul. Ist-Ruterford
Gollar: Oyarsabal (22, penalti), Porro (58).
Fransiya — Menyan, Kunde, Upamekano, Saliba (Lakrua, 30), Din (Ernandes, 72), Chuameni, Rabio (Kone, 46), Olise (Sherki, 72), Dembele, Barkolya (Due, 57), Mbappe.
Ispaniya — Simon, Porro (Lorente, 84), Kubarsi, Laport, Kukurelya, Rodri, Ruis (Pedri, 78), Olmo (Merino, 78), Yamal, Baena (Uilyams, 84), Oyarsabal (Torres, 74).
Ogohlantirishlar: Rabio (9), Kukurelya (31), Mbappe (86).