O‘zbekistonda qancha oziq-ovqat ishlab chiqarilgani ma’lum qilindi

2025 yilda O‘zbekistonda yirik korxonalar tomonidan 152,1 trln so‘mlik oziq-ovqat mahsulotlari ishlab chiqarildi. Bu ko‘rsatkich 2024 yilga nisbatan 9,7 foizga oshgan bo‘lib, tarmoqda barqaror o‘sish tendensiyasi saqlanib qolayotganini ko‘rsatadi.

Eng yuqori ulush

Rasmiy ma’lumotlarga ko‘ra, eng yuqori ishlab chiqarish hajmi Toshkent shahri hissasiga to‘g‘ri kelgan. Poytaxtda 27,6 trln so‘mlik oziq-ovqat mahsulotlari ishlab chiqarilgan. Shuningdek, Toshkent viloyatida 21,5 trln so‘m, Samarqand viloyatida esa 19,5 trln so‘mlik mahsulot tayyorlangan.

Farg‘ona viloyatida 11,6 trln so‘m, Buxoro viloyatida 11,3 trln so‘m va Qashqadaryo viloyatida 10,2 trln so‘mlik ishlab chiqarish qayd etilgan. Andijon viloyatida bu ko‘rsatkich 9,6 trln so‘mni, Namangan viloyatida 8,5 trln so‘mni tashkil etgan.

Nisbatan kam ulushlar

Navoiy viloyatida 7,9 trln so‘m, Qoraqalpog‘iston Respublikasida 6,6 trln so‘m, Xorazm viloyatida 6 trln so‘m va Sirdaryo viloyatida 5,4 trln so‘mlik mahsulot ishlab chiqarilgan. Jizzax viloyatida 3,3 trln so‘m, Surxondaryo viloyatida esa 3,2 trln so‘mlik hajm qayd etildi.

Ishlab chiqarish hajmlaridagi o‘sish ichki bozorni ta’minlash va qayta ishlash sanoati rivoji bilan bog‘liq ekani ta’kidlanmoqda. Hududlar o‘rtasidagi farqlar esa sanoat infratuzilmasi va investitsiya faolligi darajasi bilan izohlanadi.