O‘zbekistonda Rossiyalik 99 bola uchun ta’til lageri boshlandi

18 iyul kuni Rossiyaning O‘zbekistondagi elchixonasi ma’lum qilishicha, mamlakatga dam olish uchun 99 nafar bola kelgan. Ular Rossiyaning Belgorod va Bryansk oblastlaridan bo‘lib, O‘zbekiston kasaba uyushmalari Federatsiyasining taklifiga binoan «Anor» bolalar oromgohida sog‘lomlashtirish ta’tilida qatnashmoqda. Mehmonlarni Toshkent xalqaro aeroportida Rossiyaning O‘zbekistondagi ishlar bo‘yicha vaqtincha ishonchli vakili Andrey Lanchikov, kasaba uyushmalari rahbarlari va Tashqi ishlar vazirligi vakillari kutib olishdi. «O‘zbekistonga yetib kelgan bolalarni mazali va to‘yimli nonushta bilan siyladilar hamda sovg‘alar topshirildi. Ertaga esa ular uchun lagerda tantanali ochilish marosimi bo‘lib o‘tadi», deyiladi manba xabarida. Eslatib o‘tamiz, joriy yilning iyun oyida ham «Anor» oromgohida 100 nafarga yaqin ukrainalik bola dam olgan edi. Ularning ta’tili doirasida mahorat darslari, ekskursiyalar va intellektual o‘yinlar o‘tkazilgan. Rossiya elchixonasi mazkur tashabbus uchun O‘zbekiston hukumatiga minnatdorlik bildirib, bunday hamkorlik ikki xalq o‘rtasidagi yaqin munosabatlarni yanada mustahkamlashini ta’kidladi.