Sergeli avtomobil bozorida noqonuniy savdogarlarning suratlari osib qo‘yildi

Bugun 20:141 daqiqa

Ta’kidlanishicha, xalq tilida «saygaklar» deb ataluvchi bu shaxslar xaridor va sotuvchi o‘rtasida bevosita muloqotning kamayishiga va sun’iy narx oshishiga sababchi bo‘lib keladi.

Sergeli avtomobil bozorida noqonuniy savdogarlarning suratlari osib qo‘yildi

Toshkent shahri Sirg‘ali tumanidagi Sergeli avtomobil bozori hududida vositachilik va noqonuniy savdo-sotiq bilan shug‘ullanib kelgan 40 nafar shaxsning surati tushirilgan ogohlantirish stendi o‘rnatildi. Bu haqda Kun.uz ma’lum qildi.

Maxsus e’lonlar taxtasiga 39 nafar erkak va 1 nafar ayolning fotosurati joylashtirilgan, har bir surat ostida ularning ism-familiyasi va tug‘ilgan yili aniq ko‘rsatilgan.

Bozor ma’muriyati xaridor va sotuvchilarni firibgarlardan saqlanishga chaqirib, bannerning pastki qismida «OGOH BO‘LING, ALDANIB QOLMANG !!!» degan yozuvni yirik qizil harflarda joylashtirgan.

Xabarda yozilishicha, yillar davomida xalq tilida “saygaklar” deb ataluvchi shaxslar xaridor va sotuvchi o‘rtasida bevosita muloqotning kamayishiga va sun’iy narx oshishiga sababchi bo‘lib keladi.

Eslatib o‘tamiz, may oyining oxirida mazkur avtomobil bozorida tezkor tadbir o‘tkazilib, olib-sotarlik bilan noqonuniy shug‘ullangan 100 kishi aniqlangan hamda ulardan 30 nafariga nisbatan ma’muriy qamoq yoki jarima jazosi tayinlangan.

Teglar

firibgarlik avtomobil bozori Toshkent Sergeli mashina bozori noqonuniy savdogarlar saygaklar ogohlantirish stendi.

Mavzuga oid

Bugun 19:34

Qizilqumdagi sirli ko‘l — reportaj

Buxoro viloyati Peshku tumanidagi Sho‘rbuloq hududida qisqa vaqt ichida ulkan ko‘l paydo bo‘ldi. Bir paytlar faqat qum va sho‘rxoklardan iborat bo‘lgan hudud bugun qariyb 80 kvadrat kilometr maydonni egallagan suv havzasiga aylangan. Bu tabiat mo‘’jizasimi, iqlim o‘zgarishining natijasimi yoki inson tomonidan yaratilgan yangi ekotizimmi? Vaqt.uz yangi ko‘lning paydo bo‘lish sabablari, ekologik ahamiyati va kelajakdagi taqdiri haqida o‘rgandi.

Bugun 10:55

Tramp jurnalist bilan tortishib, intervyuni yarmida to‘xtatdi

Tramp NBC, ABC, CBS va CNN telekanallarini «bir tomonlama va noxolis telekanallar» deb atadi.

Kecha 22:00

SSV 440 mln so‘mlik ortiqcha to‘lovlar bo‘yicha izoh berdi

Sirdaryo va Jizzaxdagi ayrim tibbiyot muassasalarida pulli xizmatlar narxlari noto‘g‘ri hisoblangani oqibatida fuqarolardan 440 million so‘m ortiqcha mablag‘ undirilgan.

Bugun 17:44

Qarshidagi portlash: 6 kishi halok bo‘ldi

Portlash maishiy gaz ballonlariga suyultirilgan gaz quyish shoxobchasida yuz bergan.

Bugun 18:20

O‘zbekistonda aholining o‘rtacha yoshi qancha?

Mamlakat hududlarida aholining o‘rtacha yoshi bir-biridan sezilarli farq qiladi. Eng yuqori ko‘rsatkich Toshkent shahrida qayd etilgan bo‘lsa, eng yosh aholi Surxondaryo viloyatida yashaydi.

Kecha 18:08

Ketma-ket o‘zgarayotgan narxlar: AES O‘zbekistonga qancha tushadi?

O‘zbekistonning birinchi atom elektr stansiyasi loyihasi qariyb sakkiz yil davomida bir necha bor qayta ko‘rib chiqildi. Qurilish rasman boshlangan bo‘lsa-da, loyiha qiymati, moliyalashtirish manbalari va yakuniy xarajatlar atrofidagi savollar hanuz dolzarbligicha qolmoqda. VAQT.UZ AES qurilishi bo‘yicha qabul qilingan qarorlar, o‘zgargan rejalar va e’lon qilingan milliardlab dollar haqidagi bayonotlarni bir joyga jamladi.