Buyuk Britaniya taktik yadro quroli tashuvchi F-35A samolyotlarini xarid qiladi

Premer-ministr Keir Starmer bu qarorni dunyoda xavflar oshib borayotgani va tinchlikka kafolat qolmagani bilan izohladi. Britaniya bu xarid orqali 1998 yildan buyon ilk bor yadro qurolini havodan olib yurish salohiyatini qayta tiklaydi. Samolyotlarni xarid qilish NATO tarkibida taktik yadro qurollarini olib yuruvchi qo‘shinlar imkoniyatini kengaytirishga yordam beradi. NATO Bosh kotibi Mark Ryutte bu Britaniyaning alyansga qo‘shayotgan navbatdagi muhim hissasi ekanini qayd etdi. Ayni paytda Britaniya yadro tiyilish siyosati faqat Traydent suv osti kemalari orqali amalga oshirilar edi. Biroq ushbu tizim so‘nggi sinovlarda ikki bor muvaffaqiyatsizlikka uchradi. Britaniya bu qaror orqali Fransiya va AQSH kabi havo, suv va yerda yadro salohiyatiga ega bo‘lgan NATO ittifoqchilari bilan yanada yaqinroq hamkorlik qiladi. AQSH bu turdagi samolyotlar uchun B61 taktik yadro bombalarini yetkazib berish imkonini ko‘rib chiqadi. Britaniya o‘z samolyotlarida shu turdagi qurollarni foydalanishi uchun AQSH yordami zarur bo‘ladi. Ma’lumotlarga ko‘ra, AQSH 2008 yilda Britaniyadan so‘nggi yadro qurollarini olib chiqib ketgan edi. Britaniya bu yangi dastur orqali mamlakatda taxminan 20 ming ish o‘rnini saqlab qoladi va NATOga sodiqligini yana bir bor namoyon etadi. Hukumat 2035 yilgacha mudofaa xarajatlarini yalpi ichki mahsulotning 5 foiziga yetkazish niyatida ekanini bildirib, mamlakatda qaytadan mojarolarga tayyorgarlik ko‘rish zarurligini qayd etdi.