HAMAS G‘azodagi tinch aholiga hujum rejalashtirmoqda — AQSH

AQSH Davlat departamenti 19 oktyabr kuni bergan bayonotida HAMAS tomonidan G‘azoda fuqarolarga qarshi hujum tayyorlanayotgani haqida «ishonchli ma’lumotlar» borligini bildirdi. Bayonotda ta’kidlanishicha, bu kabi harakatlar o‘t ochishni to‘xtatish bo‘yicha amalga oshirilayotgan kelishuvga bevosita va jiddiy ravishda zid hisoblanadi. Bunday hujum bugungacha olib borilgan vositachilik sa’y-harakatlarini yo‘qqa chiqaradi hamda G‘azoda tinchlik yo‘lida erishilgan ilk yutuqlarni xavf ostiga qo‘yadi. Davlat departamenti hujum haqida aniq tafsilotlarni oshkor etmagan, ammo vaziyat jiddiy ekani aytilgan. Ma’lumotlarga ko‘ra, HAMAS va Isroil o‘rtasidagi o‘t ochishni to‘xtatish kelishuvining ilk bosqichi davom etmoqda. Unga ko‘ra, barcha tirik garovdagilar ozod etilgan, halok bo‘lganlar jasadlari Isroilga qaytarilmoqda. Shu bilan birga, Isroil 250 nafar falastinlik mahbus va 1 700 dan ortiq G‘azo bozoridan to‘siqsiz chiqarilganlarni ozod qildi. AQSH HAMASni kelishuv shartlariga rioya etishga chaqirib, bu haqda kelishuvning boshqa kafillari — Misr, Qatar va Turkiyaga ham ma’lum qilgan. «Agar HAMAS ushbu hujumni amalga oshirsa, G‘azo aholisini himoya qilish va kelishuvni saqlab qolish uchun choralar ko‘riladi», — deyiladi bayonotda. HAMAS hozircha Vashington bayonotiga izoh bermagan. Prezident Donald Tramp esa hafta boshida «HAMAS fuqarolarni o‘ldirishni davom ettirsa, javob choralari ko‘riladi», deb ogohlantirgan, ammo AQSH qo‘shinlari G‘azoga kirmasligini ta’kidlagan. So‘nggi ma’lumotlarga ko‘ra, Isroil 7 oktyabr 2023 yildagi HAMAS hujumidan so‘ng boshlagan harbiy amaliyot davomida 68 mingga yaqin falastinlik halok bo‘lgan. Bir vaqtning o‘zida BMT komissiyasi sentyabr oyida Isroilni «genotsid»da ayblab hisobot e’lon qilgan, Isroil bu ayblovni rad etgan.