Hindiston Yaponiyani ortda qoldirib, dunyoda to‘rtinchi yirik iqtisodiyotiga aylandi

26.05.2025 | 16:2042573

Hindiston rasman dunyodagi to‘rtinchi eng yirik iqtisodiyotiga aylandi. Bu haqda mamlakatning bosh iqtisodiy tahlil organi — NITI Aayog rahbari B.V.R. Subramanyam ma’lum qildi. Uning ta’kidlashicha, Hindiston Yaponiyani ortda qoldirib, 4 trln dollarlik yalpi ichki mahsulot hajmiga erishgan.

Hindiston Yaponiyani ortda qoldirib, dunyoda to‘rtinchi yirik iqtisodiyotiga aylandi

Subramanyam Xalqaro valyuta jamg‘armasining so‘nggi hisobotini keltirib, Hindiston 2024 yilda beshinchi o‘rinda bo‘lganini, 2025 yilga kelib esa Yaponiyadan o‘tib ketganini qayd etdi. Endi mamlakatdan faqat AQSH, Xitoy va Germaniya katta iqtisodga ega. Uning so‘zlariga ko‘ra, Hindiston yaqin 2,5–3 yilda dunyodagi uchinchi yirik iqtisodga aylanishni maqsad qilgan. Buning uchun rejalashtirilgan iqtisodiy islohotlar va xususiy sektorni qo‘llab-quvvatlash asos bo‘ladi. Xalqaro valyuta fondining 2025 yilgi baholashiga ko‘ra, Hindistonning yalpi ichki mahsuloti 4,19 trln dollarga yetadi. Bu Yaponiyaning shu yilgi kutilgan 4,18 trln dollarlik ko‘rsatkichidan biroz yuqori. Shu bilan birga, Hindiston iqtisodi 2025–2026 yillarda 6,2 foizga o‘sishi kutilmoqda. Bu avvalgi 6,5 foizlik prognozdan kamroq bo‘lsa-da, iqtisodiy barqarorlik saqlanishi ta’kidlanmoqda. Ayni payida dunyoning uchinchi iqtisodiyoti bo‘lib turgan Germaniyaning esa o‘sish sur’ati yiliga 0,3 foizga teng. Binobarin, Hindiston 2027-2028 yillarga borib, Germaniyani quvib o‘tishi pronoz qilinmoqda. Subramanyam Hindistonning umumiy geosiyosiy va iqtisodiy muhiti bu o‘sishga imkon yaratayotganini ta’kidladi. Shuningdek, u 2014 yildan buyon aholi jon boshiga to‘g‘ri keladigan daromad ikki baravar oshganini qayd etdi.

Teglar

Hindiston Yaponiya XVF yalpi ichki mahsulot

Mavzuga oid

Kecha 08:58

Rossiya dunyodagi eng yuqori QQS stavkalariga ega 20 ta mamlakat qatoriga kiradi

2026 yilda Rossiyada QQSning 22 foizgacha oshirilishi mamlakatni dunyodagi eng yuqori qiymat qo‘shilgan soliq stavkalariga ega davlatlar qatoriga olib chiqadi.

02.11.2025 | 08:58

Tramp Venesuela sohillariga 16 minglik harbiy guruh jo‘natdi

AQSH Venesuela qirg‘oqlariga 16 ming harbiydan iborat katta dengiz guruhini yo‘lladi. Ekspertlar bu harakatni Vashingtonning Karib mintaqasidagi operatsiyalarini kengaytirish belgisi sifatida baholamoqda.

31.10.2025 | 08:38

Rossiya neft mahsulotlari eksporti 2022 yildan beri eng past darajaga tushdi

G‘arb sanksiyalari va Ukraina zarbalari oqibatida neft mahsulotlari eksporti oktyabr oyida sutkasiga 1,89 mln barrelgacha qisqardi — bu urush boshlanganidan beri eng past ko‘rsatkich hisoblanadi.

30.10.2025 | 18:00

Qozog‘iston prezidentining sobiq maslahatchisi kaltaklab o‘ldirildi

56 yoshli sobiq maslahatchisi o‘zining 36 yoshli erkak tanishi bilan janjallashib qolgan.

30.10.2025 | 14:47

Tramp Si Jinping bilan uchrashuvni «10 balllik shkalada 12» deb baholadi

Janubiy Koreyaning Pusan shahrida bo‘lib o‘tgan AQSH va Xitoy yetakchilari uchrashuvi ikki davlat munosabatlarida yangi bosqichni boshladi. Donald Tramp uchrashuvni “a’lo darajada” deb atadi va Xitoy tovarlariga tariflar 57 foizdan 47 foizgacha pasaytirilishini ma’lum qildi.

Kecha 18:20

Lonely Planet Tojikistonni 2026 yilning eng yaxshi 25 sayohat yo‘nalishi qatoriga kiritdi

Mashhur Lonely Planet yo‘lboshchi jurnali Tojikistonni 2026 yil uchun dunyodagi eng ilhomlantiruvchi 25 turistik manzillar qatoriga kiritdi. Asosiy e’tibor mamlakatning Pomir tog‘lariga qaratilgan.