Жанубий Корея банки Ўзбекистонда шўбасини очмоқчи

Ўзбекистон Президенти Шавкат Мирзиёев Кореяга ташриф доирасида «Incheon International Airport Corporation» президенти вазифасини бажарувчи Ким Бом Хо билан учрашув ўтказди.

Урганч халқаро аэропортини модернизация қилиш ва Тошкентнинг янги халқаро аэропортини қуриш лойиҳаларини амалга ошириш жараёни муҳокама қилинди.

«Incheon International Airport Corporation» компаниясининг Тошкент шаҳрида ўз ваколатхонасини очиш режалари қўллаб-қувватланди. Унинг негизида аэропортларни бошқариш, рақамлаштириш ва кадрлар тайёрлаш бўйича компетенциялар марказини ташкил этиш таклифи билдирилди.

Корея томони қўшма лойиҳаларни амалга оширишда фаол иштирок этишни давом эттириш, аэропортларни бошқариш соҳасида илғор тажриба ва технологияларни жорий этиш ҳамда Ўзбекистон билан узоқ муддатли шерикликни кенгайтиришга тайёрлигини таъкидлади.

Маълумот учун, «Shinhan Bank» Жанубий Кореянинг «Shinhan Financial Group» таркибига кирувчи банк бўлиб, жорий йилнинг апрел ойида унинг Ўзбекистонда ўз шўба банкини очиш режалари маълум бўлганди.

Ўшанда 2026 йилнинг биринчи ярмида Марказий банкка расмий ариза киритилиши режалаштирилгани, 2027 йилда эса янги банк тўлиқ қувват билан иш бошлаши мақсад қилингани айтилганди.

Эслатиб ўтамиз,1997 йилдан буён Ўзбекистонда Жанубий Корея капитали иштирокидаги «KDB Bank Uzbekistan» фаолият юритиб келмоқда.