Nurota tog‘ tizmasidagi nodir qoyatosh tasvirlari ilmiy asosda hujjatlashtirildi

28.07.2025 | 10:451952

2025 yil iyun-iyul oylari davomida Nurota tog‘ tizmasida joylashgan qator manzillarda ibtidoiy odamlar hayotiga oid yuzlab noyob qoyatosh rasmlari aniqlanib, ilmiy tadqiq qilindi. Ushbu ishlar Samarqand arxeologiya institutining mutaxassislari tomonidan amalga oshirilgan.

Nurota tog‘ tizmasidagi nodir qoyatosh tasvirlari ilmiy asosda hujjatlashtirildi

Tadqiqotlar «O‘rta Zarafshon havzasi qoyatosh rasmlari katalogini yaratish» amaliyoiy loyihasi doirasida tashkil etildi. Loyihaga institut direktori o‘rinbosari Azbiddin Xolmatov rahbarlik qildi. Ushbu jarayonda Oqtog‘, G‘o‘bdintog‘ va Qaroqchitog‘ hududlaridagi soo‘ va daralar — Qoraqismoqsoy, Etimsoy, Alamlisoy, Andoqsoy, Oqmo‘lasoy, Quyukdara, Burg‘ansoy, Jizmonsoy va Sangijumonsoy yetaklaridagi tasvirlar o‘rganildi. Qoyatosh rasmlari zamonaviy usullar asosida hujjatlashtirilib, to‘liq ro‘yxatga olindi. Rasmlar orasida odamlar, buqa va sigir kabi uy hayvonlari, shuningdek, sher, bug‘u, tog‘ echkisi, qulon va ot kabi yovvoyi jonzotlar aks ettirilgan. Ayniqsa, qochayotgan tog‘ echkilari va ularni quvlab ketayotgan sher manzarasi alohida e’tiborga sazovor. Olimlarning fikricha, ushbu tasvirlar orqali ibtidoiy insonlarning faoliyati, diniy qarashlari, hayot tarzi va tabiatga munosabati haqida muhim ma’lumotlar olish mumkin. Bunday rasmlar yurtimizdagi arxeologik merosning boyligini yana bir bor namoyon etadi.

Teglar

madaniy meros Nurota Samarqand arxeologiya instituti qoyatosh rasmlari Zarafshon

Mavzuga oid

31.10.2025 | 17:40

Kam ta’minlangan fuqarolarga Konstitutsiyaviy sudda ham bepul advokat beriladi

Senat moddiy qiyin ahvoldagi fuqarolarga Konstitutsiyaviy sudda ham davlat hisobidan advokat yordamini olish imkonini yaratuvchi qonunni qabul qildi.

03.11.2025 | 20:57

Ukrainadagi yosh yigitlar mamlakatni ommaviy tark etishmoqda

Bu tobora murakkablashib borayotgan vaziyatga jiddiy xavf tug‘dirishi mumkin.

31.10.2025 | 12:35

Namanganda 30 milliard so‘mlik qalbaki dori vositalari aniqlandi

Ayblanuvchilar sanitariya talablariga javob bermaydigan joyda, nomlarini o‘zgartirgan holda 9 turdagi kontrafakt dori vositalarini tayyorlab kelgan.

31.10.2025 | 17:50

Kam ta’minlangan oilalarga qariyb 82 mlrd so‘m QQS qaytarildi

Soliq qo‘mitasi 2025 yil boshidan beri «Ijtimoiy himoya yagona reyestri»ga kiritilgan shaxslarga qaytarilgan QQS miqdorini ma’lum qildi.

31.10.2025 | 20:54

Sudandagi qonli qirg‘in davom etmoqda: shifoxonadagi 460 kishi otib o‘ldirildi

Al-Fashirdagi yagona ishlayotgan shifoxona bosib olinib, «Tezkor harakat kuchlari» jangchilari tomonidan bemorlar, ularning yaqinlari va tibbiyot xodimlari ommaviy ravishda otib o‘ldirildi.

02.11.2025 | 15:20

Maldiv orollari avlodlar orasida sigareta taqiqini joriy etdi

Maldiv orollari dunyoda birinchi bo‘lib 2007 yil 1 yanvardan keyin tug‘ilgan shaxslarga tamaki mahsulotlarini sotish, sotib olish yoki foydalanishni to‘liq taqiqladi. Mamlakat «avlodlar orasidagi sigareta taqiqini» amalga oshirgan yagona davlatga aylandi.