Илон Маск АҚШдаги ҳар бир болага SpaceX акциясини совға қилмоқчи
У бу ишни 2027 йилда амалга оширмоқчи.
2027 йилда америкалик миллиардер Илон Маск АҚШдаги ҳар бир болага биттадан SpaceX акциясини совға қилади. Бу ҳақда тадбиркор ўзининг X ижтимоий тармоғидаги саҳифасида маълум қилди.
Маскнинг сўзларига кўра, мазкур акция у томонидан режалаштирилган шунга ўхшаш кўплаб ташаббусларнинг фақатгина биринчи қадами бўлади.
«Кейинги йилда мен Америкадаги ҳар бир болага ўзимнинг SpaceX акцияларимдан биттадан совға қиламан», — деб ёзган миллиардер ўз постида.
Ҳозирча тадбиркор мазкур ташаббуснинг тафсилотларини ошкор қилмаган ҳамда акцияларни топшириш жараёни қандай ташкил этилишига аниқлик киритмаган. Ушбу хабар ҳақида NUR.KZ нашри маълумот бермоқда.
Фойдаланувчилар реакцияси
Миллиардернинг ушбу баёноти тармоқ фойдаланувчилари орасида кенг муҳокамаларга сабаб бўлди. Айримлар тадбиркорнинг бу қарорини сахийлик деб баҳолаб, унга миннатдорлик билдирган.
«Бу ақл бовар қилмайди!! Эҳтимол қилинган энг яхши қарор», — деб ёзган фойдаланувчилардан бири.
Бошқа шарҳловчилар эса баёнотга ҳазил билан муносабатда бўлишган. Жумладан, фойдаланувчилардан бири ўзининг 52 ёшда эканлигини, лекин «қалбан етти ёшда» эканини таъкидлаб, у ҳам акция олиши мумкин ёки йўқлиги билан қизиққан.
