Xushnud Xudayberdiyev Prezident Administratsiyasida yangi lavozimga tayinlandi

Kecha 23:101 daqiqa

Xushnud Xudayberdiyev Prezident Administratsiyasi Kommunikatsiyalar departamenti boshlig‘i o‘rinbosari lavozimiga tayinlandi.

Xushnud Xudayberdiyev Prezident Administratsiyasida yangi lavozimga tayinlandi

O‘zbekiston Respublikasi Prezidenti Administratsiyasi Rahbarining farmoyishi bilan Xushnud G‘ayratovich Xudayberdiyev O‘zbekiston Respublikasi Prezidenti Administratsiyasi Kommunikatsiyalar departamenti boshlig‘i o‘rinbosari lavozimiga tayinlandi.

Xushnudbek Xudayberdiyev 1989 yil 7-iyunda Qashqadaryo viloyatining Chiroqchi tumanida tug‘ilgan. U Toshkent davlat yuridik universitetida tahsil olgan va 2012 yilda magistraturani tamomlagan.

U 2010–2013 yillarda universitetda o‘qituvchi bo‘lib ishlagan. 2013–2017 yillarda O‘zbekiston kasaba uyushmalari Federatsiyasi kengashining yuridik bo‘limida yuriskonsult bo‘lib faoliyat yuritgan. Shu davrda Bosh prokuratura matbuot xizmatida ham ishlagan.

Xudayberdiyev 2012 yildan buyon Xushnudbek.uz shaxsiy saytini yuritib keladi. U jamoatchilikka bloger, huquqiy masalalar bo‘yicha sharhlovchi va «Zakovat» intellektual o‘yini ishtirokchisi sifatida ham tanilgan. 2019 yilda u yilning eng yaxshi blogeri deb topilgan.

2020 yil yanvar oyida Xushnudbek Xudayberdiyev Milliy mass-mediani qo‘llab-quvvatlash va rivojlantirish jamoat fondi direktori etib tayinlangan. O‘sha yilning iyul oyida esa O‘zbekiston Milliy axborot agentligi bosh direktori o‘rinbosari lavozimini egallagan.

2023 yil avgust oyida u O‘zA bosh direktorining birinchi o‘rinbosari etib tayinlangan.

Teglar

Prezident Administratsiyasi O‘zA kadrlar tayinlovi.Xushnudbek Xudayberdiyev Kommunikatsiyalar departamenti Xushnudbek.uz

Mavzuga oid

Kecha 19:24

Raqobat qo‘mitasi taksi narxlari oshgani bo‘yicha o‘rganish boshladi

Raqobat qo‘mitasi yirik agregatorlar (Yandex, Uklon, MyTaxi) faoliyatidagi nosozliklar va insofsiz raqobat holatlari bo‘yicha tekshiruv boshladi.

Kecha 20:20

Toshkentda to‘rtta tuman hokimi almashdi: Nilufar Allabergenova boshqa ishga o‘tdi

15-oktabr kuni Toshkent shahrining Yashnobod, Yangihayot, Chilonzor va Yakkasaroy tumanlarida hokimlar bilan bog‘liq kadrlar o‘zgarishi yuz berdi. Yakkasaroyning sobiq hokimi Nilufar Allabergenova esa shahar prokurori o‘rinbosari lavozimiga tayinlandi.

Kecha 17:20

O‘zbekiston bo‘ylab sayohat qilish qanchaga tushadi?

Kuz — sayohatlar uchun eng qulay fasl, ammo ko‘pchilik xarajatlar sabab dam olishni keyinga suradi. Vaqt.uz ushbu maqolada o‘zbekistonliklar ichki turizm uchun qancha xarajat qilishini Toshkent–Buxoro yo‘nalishi misolida o‘rgandi.

Kecha 21:10

Erta nikoh uchun belgilangan jarimalar miqdori oshirildi

Endi voyaga yetmagan shaxs bilan nikoh munosabatiga kirishganlar 6,6 million so‘mgacha, farzandini erta turmushga bergan ota-onalar 11 million so‘mgacha, rasmiy qayd etilmagan diniy nikohni o‘tkazganlar esa 22 million so‘mgacha jarima to‘laydi.

Kecha 12:05

Toshkentda 2030-yilgacha 400 ta mahalla yangilanib, 130 mingta ish o‘rni yaratiladi

Poytaxtda mahallalar, maktablar va bog‘chalarni yangilash, shuningdek, milliard dollarlik ishbilarmonlik markazini qurish rejalashtirilmoqda.

Kecha 20:30

O‘zbekistonda atom energiyasi bilan ishlaydigan data-markaz qurilishi mumkin

O‘zbekistonda dunyodagi eng ilg‘or va nostandart loyihalardan biri — atom energiyasi bilan ishlaydigan yirik ma’lumotlar markazini qurish rejalashtirilmoqda.