Aziza Qurbonova Prezident Administratsiyasida yangi lavozimga tayinlandi

Kecha 23:071 daqiqa

U bugun Prezident Administratsiyasi Kommunikatsiyalar departamenti boshlig‘ining birinchi o‘rinbosari etib tayinlandi.

Aziza Qurbonova Prezident Administratsiyasida yangi lavozimga tayinlandi

O‘zbekiston Respublikasi Prezidenti Administratsiyasi Rahbarining farmoyishi bilan Aziza Abdusabitovna Qurbonova O‘zbekiston Respublikasi Prezidenti Administratsiyasi Kommunikatsiyalar departamenti boshlig‘ining birinchi o‘rinbosari lavozimiga tayinlandi.

Mazkur tayinlovga qadar Qurbonova Kontent markazi va «O‘zbekiston 24» telekanalida faoliyat yuritayotgan edi. U Prezident faoliyatini faol tarzda yoritadigan jurnalistlardan biri sifatida tanilgan.

Aziza Qurbonova 1988 yil 11-sentabrda Toshkent shahrida tug‘ilgan. U O‘zbekiston davlat jahon tillari universitetining bakalavriat bosqichini 2009 yilda, O‘zbekiston Milliy universitetining magistratura bosqichini esa 2011 yilda tamomlagan.

Uning professional jurnalistik faoliyati 2013 yilda O‘zbekiston milliy teleradiokompaniyasi tizimida boshlangan. Turli yillarda «Yoshlar», «Bolajon» va «O‘zbekiston 24» telekanallarida ishlagan.

Aziza Qurbonova 2018 yildan ijtimoiy tarmoqlarda «Mikrofon ko‘targan ayol» blogini yurita boshlagan. Blog orqali u jamoatchilik e’tiborini ijtimoiy masalalar va fuqarolarni tashvishga solayotgan muammolarga qaratib keladi.

Aziza Qurbonova 2021 yilda «Shuhrat» medali bilan taqdirlangan. 2026 yilda esa ommaviy axborot vositalari xodimlarini taqdirlash to‘g‘risidagi Prezident farmoniga muvofiq «Mehnat shuhrati» ordeni bilan mukofotlangan.

Teglar

Prezident Administratsiyasi lavozim Qurbonova

Mavzuga oid

Kecha 19:24

Raqobat qo‘mitasi taksi narxlari oshgani bo‘yicha o‘rganish boshladi

Raqobat qo‘mitasi yirik agregatorlar (Yandex, Uklon, MyTaxi) faoliyatidagi nosozliklar va insofsiz raqobat holatlari bo‘yicha tekshiruv boshladi.

Kecha 23:10

Xushnud Xudayberdiyev Prezident Administratsiyasida yangi lavozimga tayinlandi

Xushnud Xudayberdiyev Prezident Administratsiyasi Kommunikatsiyalar departamenti boshlig‘i o‘rinbosari lavozimiga tayinlandi.

Kecha 11:05

800 ming fuqaroga 22 mlrd so‘m asossiz qarz yozilgan: to‘lovlar qayta hisoblandi

Raqobat qo‘mitasi doimiy yashash manzilida bo‘lmagan fuqarolarga hisoblangan asossiz qarzdorlikni qayta hisob-kitob qildi. Asosiy holatlar maishiy chiqindilarni olib chiqish to‘lovlariga tegishli.

Kecha 11:12

Qashqadaryoda yangi gaz koni topildi

G‘uzor tumanidagi «Burisoy» konida quduq sinovlari davomida sanoat miqyosida gaz va kondensat oqimi olindi. Quduqdan kuniga 400 ming kub metrgacha gaz olinmoqda.

Kecha 23:13

O‘zbekistonda ish joyidagi tazyiq va zo‘ravonlikka qarshi milliy dastur boshlandi

O‘zbekistonda xodimlarning huquq hamda qadr-qimmatini himoya qilish, ish joylarida tazyiq, zo‘ravonlik va kamsitishning oldini olishga qaratilgan Milliy dastur amaliyotga joriy etilmoqda. Dastur doirasida qonunbuzilishlar haqida anonim xabar berish imkonini beruvchi maxsus portal ishga tushirilishi va o‘n minglab xodimlar o‘qitilishi belgilangan.

Kecha 20:30

O‘zbekistonda atom energiyasi bilan ishlaydigan data-markaz qurilishi mumkin

O‘zbekistonda dunyodagi eng ilg‘or va nostandart loyihalardan biri — atom energiyasi bilan ishlaydigan yirik ma’lumotlar markazini qurish rejalashtirilmoqda.