Qashqadaryoda yangi gaz koni topildi

Kecha 11:121 daqiqa

G‘uzor tumanidagi «Burisoy» konida quduq sinovlari davomida sanoat miqyosida gaz va kondensat oqimi olindi. Quduqdan kuniga 400 ming kub metrgacha gaz olinmoqda.

Qashqadaryo viloyatining G‘uzor tumanida «Burisoy» nomli yangi gaz-kondensat koni aniqlandi. Bu haqda Sho‘rtan hududida olib borilgan geologiya-qidiruv ishlari natijalari to‘g‘risidagi ma’lumotda xabar berilgan.

Quduqni sinovdan o‘tkazish jarayonida sanoat miqyosida tabiiy gaz va kondensat oqimi olingan. Ma’lumotga ko‘ra, quduqdan bir sutkada 300 mingdan 400 ming kub metrgacha gaz chiqmoqda.

Quduqni burg‘ilash ishlari 5-avgustda boshlangan. Ushbu ishlarni «O‘zneft burg‘ulash ishlari» MCHJ amalga oshirgan. Mutaxassislar qisqa vaqt ichida 3 159 metr chuqurlikka yetib borgan.

«O‘zbekgeofizika» AJ o‘tkazgan sinovlarda 2 842 metrdan 3 001 metrgacha bo‘lgan chuqurlikdagi qatlamlardan gaz va kondensat oqimi olingan.

Hozirda mutaxassislar mahsuldor qatlamlarning xususiyatlarini o‘rganib, konning imkoniyatlarini baholamoqda.

Sinovlar yakunlanganidan keyin, 15-oktabrdan gazni qayta ishlashga yo‘naltirish rejalashtirilgan. Keyinchalik uni iste’molchilarga yetkazib berish ko‘zda tutilgan.

Yil oxirigacha «Burisoy» konida ikkinchi qidiruv qudug‘ini burg‘ilash ham rejalashtirilgan.

Eslatib o‘tamiz, avvalroq 2026-yilning yanvar–sentabr oylarida «O‘zbekneftgaz» kompaniyasi va uning tarkibidagi korxonalar qariyb 17 mlrd kub metr gaz qazib olgani haqida xabar berilgandi.

Teglar

energetika geologiya Qashqadaryo kondensat gaz Burisoy

Mavzuga oid

Kecha 23:13

O‘zbekistonda ish joyidagi tazyiq va zo‘ravonlikka qarshi milliy dastur boshlandi

O‘zbekistonda xodimlarning huquq hamda qadr-qimmatini himoya qilish, ish joylarida tazyiq, zo‘ravonlik va kamsitishning oldini olishga qaratilgan Milliy dastur amaliyotga joriy etilmoqda. Dastur doirasida qonunbuzilishlar haqida anonim xabar berish imkonini beruvchi maxsus portal ishga tushirilishi va o‘n minglab xodimlar o‘qitilishi belgilangan.

Kecha 20:30

O‘zbekistonda atom energiyasi bilan ishlaydigan data-markaz qurilishi mumkin

O‘zbekistonda dunyodagi eng ilg‘or va nostandart loyihalardan biri — atom energiyasi bilan ishlaydigan yirik ma’lumotlar markazini qurish rejalashtirilmoqda.

Kecha 16:22

«Saneg» kompaniyasining O‘zbekistondagi neft konlari bo‘yicha litsenziyalari bekor qilindi

Farg‘ona neftni qayta ishlash zavodining 100 foiz davlat ulushi 2022-yilning may oyida 100 mln dollar evaziga «Sanoat energetika guruhi» MCHJ kompaniyasiga sotilgandi. Biroq, investorning boshqa loyihalaridagi moliyaviy qiyinchiliklari sababli xarid to‘lovlari ketma-ket uch oy amalga oshirilmagan.

Kecha 19:24

Raqobat qo‘mitasi taksi narxlari oshgani bo‘yicha o‘rganish boshladi

Raqobat qo‘mitasi yirik agregatorlar (Yandex, Uklon, MyTaxi) faoliyatidagi nosozliklar va insofsiz raqobat holatlari bo‘yicha tekshiruv boshladi.

Kecha 23:00

Reytingda Qozog‘istondan ortda qolgan O‘zbekiston, taksi narxlari bo‘yicha boshlangan tekshiruv va nomini o‘zgartirgan «Davr Bank» — 15-oktabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 11:05

800 ming fuqaroga 22 mlrd so‘m asossiz qarz yozilgan: to‘lovlar qayta hisoblandi

Raqobat qo‘mitasi doimiy yashash manzilida bo‘lmagan fuqarolarga hisoblangan asossiz qarzdorlikni qayta hisob-kitob qildi. Asosiy holatlar maishiy chiqindilarni olib chiqish to‘lovlariga tegishli.