Мирзиёев Остонада: у Минтақавий экологик саммитда иштирок этмоқда

Kecha 12:252 daqiqa

Қозоғистон пойтахтида Оролни қутқариш халқаро жамғармаси таъсисчи давлатлари раҳбарлари кенгашининг йиғилиши ва Минтақавий экологик саммит бўлиб ўтмоқда.

Мирзиёев Остонада: у Минтақавий экологик саммитда иштирок этмоқда

Ўзбекистон президенти Шавкат Мирзиёев кеча, 21-апрел куни Қозоғистон президенти Қосим-Жўмарт Тўқаевнинг таклифига биноан Остона шаҳрига борди. Бу ҳақда президент матбуот хизмати хабар берди.

Пойтахт аэропортида давлат раҳбарини Қозоғистон бош вазири Олжас Бектенов ва бошқа расмий шахслар кутиб олди.

Ташриф дастурига мувофиқ, Ўзбекистон етакчиси бугун, 22-апрел куни Минтақавий экологик саммит ва Оролни қутқариш халқаро жамғармаси таъсисчи давлатлари раҳбарлари кенгашининг йиғилишида иштирок этади.

Минтақавий экологик саммит кўргазмаси

Шавкат Мирзиёев Қозоғистонга амалий ташрифи дастури доирасида 22-апрел куни Марказий Осиё мамлакатлари, Мўғулистон, Озарбайжон, Грузия ва Арманистон делегациялари раҳбарлари билан биргаликда Остона шаҳридаги «EXPO» халқаро кўргазмалар марказида ташкил этилган Минтақавий экологик саммит кўргазмасидаги миллий павилонларни бориб кўрди.

МЭС-2026 диққат марказида экологик сиёсатга комплекс ёндашувни акс эттирувчи саккизта устувор йўналиш турибди: иқлим ўзгаришига қарши курашиш, озиқ-овқат хавфсизлиги ва экотизимлар барқарорлигини таъминлаш, табиий хавф-хатарларга мослашиш ва иқтисодий барқарорликни ошириш, ҳаво ифлосланишини камайтириш ва чиқиндиларни самарали бошқариш, экологик мақсадларга эришиш механизмларини ривожлантириш, табиий ресурсларни барқарор бошқариш, адолатли ва инклюзив «яшил» ўтиш, экологик ҳамда рақамли компетенцияларни ривожлантириш. Саммит кун тартиби барқарор ривожланишнинг экологик ҳамда ижтимоий-иқтисодий жиҳатларини ҳам қамраб олган.

Тадбирда иштирок этаётган мамлакатларнинг миллий павилонларида уларнинг ушбу йўналишлардаги ютуқлари ва келгуси режалари намойиш этилмоқда.

Ўзбекистон павилони

Интерфаоллик ва мультимедиа элементларига эга кўргазма-тақдимот майдони шаклида барпо этилган Ўзбекистон павилони мамлакатнинг экология, иқлим ўзгариши ва Марказий Осиёнинг барқарор ривожланиши соҳаларидаги давлат сиёсатининг устувор йўналишларини акс эттиради. Шунингдек, экспозиция Ўзбекистоннинг экология соҳасида минтақавий ва халқаро ҳамкорликни мустаҳкамлашга қўшаётган ҳиссасини намоён этади.

Олий мартабали меҳмонларга экологик тараққиётнинг замонавий моделини шакллантиришга қаратилган асосий ташаббусларни ўз ичига олган экспозиция тақдим этилди. «Чиқиндисиз ҳудуд», «Тоза ҳаво», «Яшил макон», «Экомаданият», «Биомерос» ва «Экологик таълим» каби умуммиллий лойиҳалар шулар жумласидан.

Орол фожиаси оқибатларини бартараф этиш, шунингдек, халқаро ташкилотлар, энг аввало, БМТ тузилмалари билан ҳамкорликни ривожлантириш масалаларига алоҳида эътибор қаратилди.

Teglar

Қозоғистон Остона Шавкат Мирзиёев Оролни қутқариш халқаро жамғармаси Минтақавий экологик саммит

Mavzuga oid

Kecha 13:55

Зоминдаги осма кўприк ва меҳмонхона 27 млн долларга сотилди

Харидор — аукциондан 4 кун олдин ташкил этилган компания бўлди. Унинг эгаси боғча, транспорт савдоси ва логистика каби соҳаларда ҳам компанияларга эга.

Kecha 15:15

Ошхона ва меҳмонхоналарда спиртли ичимликларни нақд пулда сотишга рухсат берилиши мумкин

1-апрелдан бошлаб Ўзбекистонда айрим хизмат турлари, жумладан алкогол ва тамаки маҳсулотлари савдосини электрон тўловлар орқали амалга ошириш тартиби жорий этилган эди. Солиқ қўмитаси раиси мазкур тартибга ўзгартириш ва қўшимчалар киритиш бўйича ҳужжат лойиҳаси ишлаб чиқилгани, ҳозир тегишли идоралар билан келишилаётганини маълум қилди.

Kecha 17:14

Ўзбекистонда март ойида 78 мингта енгил автомобил сотилган

Март ойида сотилган енгил автомобилларнинг 31 мингтаси бирламчи, 47,5 мингтаси эса иккиламчи бозор ҳиссасига тўғри келди.

Kecha 20:42

Элдор Шомуродов «Истанбул Бошоқшаҳир»га тўлиқ трансфер қилинди

Трансфер суммаси 2,8 млн еврони ташкил этди.

Kecha 21:26

Асосий хавф ишсизлик эмас: СИ Ўзбекистонда бой ва камбағал ўртасида фарқни кучайтиради

Ўзбекистонда сунъий интеллектнинг асосий хатари оммавий ишсизлик эмас. Асосий муаммо — ундан фойдалана оладиганлар билан қолганлар ўртасидаги тафовут кескин кенгайиши. Таҳлиллар шуни кўрсатадики, СИ кўникмаларига эга бўлганлар тез бойийди, бошқалар эса ортда қолади.

Kecha 17:27

«Заҳарланган овқат боланинг косасигача қандай етиб боряпти?» — Матбуот анжуманида вазирликдан ҳисоб сўралди

Кеча, 22 апрел куни Мактабгача ва мактаб таълими вазирлиги раҳбарияти иштирокида ОАВ вакиллари учун матбуот анжумани ўтказилди. Тадбирда Vaqt.uz нашри мухбири ҳам иштирок этиб, масъулларга тизимдаги қатор оғриқли масалалар билан мурожаат қилди.