«Imarat Development» ustidan jinoyat ishi qo‘zg‘atildi

Bugun 12:091 daqiqa

Kompaniya mijozlarining pulini qaytarmagani yuzasidan tergov harakatlari boshlandi. Ish firibgarlik va mansab vakolatini suiiste’mol qilish alomatlari bilan tergov qilinmoqda.

«Imarat Development» ustidan jinoyat ishi qo‘zg‘atildi

Toshkent shahrida faoliyat yurituvchi «Imarat Development» MCHJ rahbariyatiga nisbatan jinoyat ishi qo‘zg‘atildi. Bu haqda Toshkent shahar IIBB ma’lum qildi.

Qayd etilishicha, kompaniya tomonidan qurilishi rejalashtirilgan ko‘p qavatli turar joy binolari Toshkent viloyatining Quyichirchiq tumanida joylashgan. Uylar Toshkent shahri emas, viloyat hududida qurilayotgani sababli ayrim fuqarolar bundan norozi bo‘lgan.

Ular xonadonlar uchun avval amalga oshirgan to‘lovlarini qaytarishni so‘rab, kompaniya rahbariyatiga murojaat qilgan. Biroq to‘langan mablag‘lar fuqarolarga qaytarilmagan.

Mazkur murojaatlar yuzasidan Toshkent shahar IIBB tomonidan tekshiruv o‘tkazilgan. Natijada IIBB huzuridagi Tergov boshqarmasi tomonidan O‘zbekiston Respublikasi Jinoyat kodeksining 168-moddasi — firibgarlik hamda 192¹¹-moddasi — nodavlat tashkilot mansabdor shaxsining o‘z vakolatlarini suiiste’mol qilishi alomatlari bilan jinoyat ishi qo‘zg‘atilgan.

Hozirda tergov harakatlari Toshkent shahar IIBB boshlig‘i va prokuratura nazoratiga olingan. Tergov yakunlariga ko‘ra, qonuniy qaror qabul qilinishi ta’minlanadi.

Teglar

qurilish firibgarlik ko‘chmas mulk jinoyat IIBB Toshkent Quyichirchiq

Mavzuga oid

30.10.2026 | 14:27

Endi tadbirkorlar o‘rnatgan kameralar xavfsizlik kamarini taqmagan haydovchilarni ham qayd etadi

O‘zbekistonda 1-noyabrdan boshlab tadbirkorlar tomonidan o‘rnatilgan maxsus avtomatlashtirilgan foto va video qayd etish vositalari orqali haydovchilarning xavfsizlik kamaridan foydalanish qoidalariga rioya etmasligi holatlarini aniqlashga ruxsat beriladi.

30.10.2026 | 10:13

Isitish mavsumida ehtiyojmand oilalarga 1 million so‘mdan moddiy yordam beriladi

Shuningdek, aholi uchun elektr energiyasi va tabiiy gaz iste’molidagi tariflar farqini kompensatsiya qilish muddati 2028-yilning 1-apreligacha, ko‘mir xaridini qoplash uchun beriladigan moddiy yordam esa 2029-yilning 1-yanvarigacha uzaytirildi.

27.10.2026 | 10:05

Toshkentning qaysi manzillarida jamoat hojatxonasi quriladi? (Ro‘yxat)

Avvalroq poytaxtning markaziy va turizm ko‘chalari, xiyobonlar hamda aholi va mehmonlar tashrif buyuradigan obektlar atrofida 100 ta sanitariya-gigiyena shoxobchasi tashkil etilishi ma’lum qilingandi.

29.10.2026 | 14:10

O‘zbekistonda bepul dori olish tartibi qanday va davlat bunga qancha sarflayapti?

Surunkali kasalliklarda dori xarajati bir martalik emas, bemorlar ularni oylar, hatto yillar davomida muntazam xarid qilishiga to‘g‘ri keladi. Ammo O‘zbekistonda ayrim dorilarni davlat hisobidan bepul olish imkoniyati bor. Hozir 12 turdagi kasallik bo‘yicha 28 turdagi dori xarajati davlat tomonidan qoplanadi. Vaqt.uz bu imkoniyat kimlarga berilishi, dorilarni qanday olish va dastur qanday natija berayotganini o‘rgandi.

29.10.2026 | 20:54

«IMAN»dan yangi bayonot, investorlarning puli va muammoli kreditlar: ekspertlar bu mashmashaga nima deydi?

«IMAN Holding» ilgari surilgan da’volarga qarshi yangi bayonot berdi. Xo‘sh, unda qanday yangi dalillar keltirilgan? Boshqaruv kompaniyasining qariyb 3 mln dollarlik qarzi va 9,5 million dollarlik muammoli kreditlar masalasi qanday izohlandi? Mercedes-Benz va BYD avtomobillari bo‘yicha aniq javob bormi? Eng muhimi, investorlar tikkan pul mablag‘lari taqdiri nima bo‘ladi? Vaqt.uz mavzu yuzasidan islom moliyasi ekspertlarining fikrini o‘rganib, investorlarga eng muhim tavsiyalarni jamladi.

29.10.2026 | 11:30

O‘zbekistonliklarning Safe Road bazasidagi ma’lumotlari sizib chiqqani aytilmoqda

Bundan tashqari tarmoqlarda inDrive, Lada Auto, KiwiTaxi, Fargo, Maktab.uz, Andalus va boshqa xizmatlarga aloqador bo‘lishi mumkin bo‘lgan ma’lumotlar bazalari tarqatilayotgani haqida ham xabarlar paydo bo‘ldi.