Eron elchixonasi Samarqand haqidagi bahsli postini o‘chirib tashladi

Kecha 21:411 daqiqa

Eronning Armanistondagi elchixonasi X (sobiq Twitter) tarmog‘idagi Samarqandni fors sivilizatsiyasining bir qismi deb atagan postini tarmoqdan olib tashladi. Bu holat O‘zbekiston Tashqi ishlar vazirligi tomonidan Eron elchisiga norozilik notasi topshirilganidan so‘ng yuz berdi.

Eron elchixonasi Samarqand haqidagi bahsli postini o‘chirib tashladi

Ma’lum qilinishicha, 25-oktabrga kelib Eronning Armanistondagi diplomatik vakolatxonasi tomonidan e’lon qilingan postga olib boruvchi havola ishlamay qolgan.

Avvalroq, 23-oktabr kuni Eronning O‘zbekistondagi favqulodda va muxtor elchisi Muhammad Ali Iskandariy Tashqi ishlar vazirligiga chaqirtirilgan edi. Uchrashuvda O‘zbekiston tomoni Samarqandning tarixiy-madaniy merosini buzib ko‘rsatuvchi hamda siyosiy tusdagi provokatsion bayonotlarni o‘z ichiga olgan postlar yuzasidan qat’iy norozilik bildirgan va elchiga tegishli nota topshirgan.

Bahsning kelib chiqishi

Ushbu holatga AQSH davlat kotibi Marko Rubioning 19-oktabr kuni Samarqandga tashrifi doirasidagi bayonoti sabab bo‘lgan. Rubio o‘z postida shaharning jahon savdosidagi tarixiy o‘rnini qayd etib, o‘tmish kelajak uchun imkoniyatlar yaratishga yordam berishi mumkinligini ta’kidlagan edi.

Bunga javoban Eronning Armanistondagi elchixonasi Samarqand fors sivilizatsiyasi va me’morchiligining bir qismi ekanini da’vo qilgan. Shuningdek, eronlik diplomatlar Rubioning 7-oktabr kuni Afinada so‘zlagan hamda qadimgi yunonlar va forslar o‘rtasidagi qarama-qarshilikka bag‘ishlangan nutqini ham eslatib o‘tishgan. Bunday bayonotlar Toshkentning keskin reaksiyasiga sabab bo‘ldi.

Teglar

Samarqand Marko Rubio O‘zbekiston Muhammad Ali Iskandariy Eron elchixonasi TIV norozilik notasi diplomatik bahs

Mavzuga oid

Kecha 22:22

O‘zbekiston hukumati yopiq qaror bilan shakar importiga kvota va zavodlarga imtiyozlar berdi

Otabek Bakirov yopiq qarorlar ortida ma’lum bir manfaatdor guruhlar turishini ta’kidladi. «O‘zbekistonda biron-bir yopiq qaror yo‘qki, uning ortida kimdir yo qaysidir to‘da turmasa. Shakar importini kvotalash bo‘yicha yopiq qaror ham bundan istisno bo‘lmagan», — deb yozdi u.

Kecha 23:00

«Iman Invest»dagi mojaro, O‘zbekistondagi ilk islomiy bank va Oybek Tursunovning navbatdagi xaridi — 26-oktabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 22:30

O‘chirilgan video, ochiqlangan hujjatlar: «Iman Invest» atrofida nimalar bo‘lyapti?

Mahmud Usmon moliyaviy hujjatlarni e’lon qilganidan ko‘p o‘tmay, kompaniya asoschisining videomurojaati rasmiy sahifalardan olib tashlandi. Xo‘sh, ochiqlangan hujjatlarda nimalar aks etgan, tomonlar bir-birini nimada ayblamoqda va IMAN Holding Kuzatuv kengashi bu vaziyatga qanday munosabat bildirdi?

25.10.2026 | 12:36

Vizasiz yo‘nalishlar soni kamaydi: O‘zbekiston 2030-yilgacha 50 ta davlat bilan vizasiz rejim o‘rnata oladimi?

O‘zbekiston pasporti xalqaro reytingda biryo‘la 9 pog‘onaga pastlab, 82-o‘ringa tushdi. Bu o‘zgarish mamlakat fuqarolarining vizasiz sayohat imkoniyatlari va O‘zbekiston pasportining xalqaro mavqei haqidagi savollarni keltirib chiqardi. Shu sababli Vaqt.uz O‘zbekiston pasporti reytingda nega pastlagani va so‘nggi besh yilda qanday o‘zgarishlar kuzatilganini tahlil qildi.

Kecha 21:20

O‘zbekistonliklar uchun Misrga kirishning yangi tartibi 2027-yilgacha kechiktirildi

O‘zbekistonliklarning Misrga sayohat qilishi uchun 5000 dollargacha naqd pul va yaqin qarindoshlar hamrohligini talab qilish tartibining kuchga kirishi 2027-yil 1-martga qadar kechiktirildi.

Kecha 14:56

«Iman Invest»da 20 mln dollarlik kamomad va Rahmatov uchun olingan mashina: Mahmud Usmon hujjatlarni e’lon qildi

Kompaniya faoliyatiga oid taftish komissiyasi hujjatlarida 2,97 mln dollarlik qarz, 9,5 mln dollarlik muammoli kreditlar hamda Rustam Rahmatov foydalanishi uchun xarid qilingani aytilgan Mercedes-Benz bilan bog‘liq operatsiyalar tilga olingan.