Tramp AQSH Eronga «oxirgi zarbani berishi» va javobgarlikni boshqa davlatlarga yuklashi mumkinligini aytdi

AQSH Prezidenti Donald Tramp Yaqin Sharqdagi nizoda yordam berishdan bosh tortgan davlatlarga nisbatan yana bir bor g‘azabli post qoldirdi. Bu haqda Nur.kz xabar bermoqda.

Tramp o‘zining «Truth Social» shaxsiy ijtimoiy tarmog‘ida AQSHning ittifoqchisi hisoblangan, lekin Yaqin Sharqqa qo‘shin yuborishdan bosh tortgan davlatlar haqida fikr bildirdi.

«Agar biz Eron terrorchi davlatidan qolgan narsalarni tugatib qo‘ysak va bo‘g‘oz deb ataladigan joy uchun javobgarlikni biz yemas, balki undan foydalanadigan davlatlar zimmasiga yuklasak nima bo‘lishi qiziq? Bu ba’zi indamas ittifoqchilarimizni tezkorlik bilan harakatga keltirgan bo‘lardi!» — deb yozdi Tramp.

Kontekst

Bundan oldin Bi-bi-sining rus xizmati xabar berganidek, AQSH Prezidenti Donald Tramp NATOdagi ittifoqchilari va hamkor davlatlarni Ho‘rmuz bo‘g‘ozida kemalar qatnovi xavfsizligini ta’minlashga yordam berishga chaqirgan yedi. Biroq Yevropa Ittifoqi Trampning chaqiriqlariga rad javobini berdi. Shu bilan birga, YI Ho‘rmuz bo‘g‘ozining yopilishi «jahon iqtisodiyotiga zarar yetkazishi va Rossiyaga urushni moliyalashtirishda yordam berishini» ta’kidlagan.

Shundan so‘ng Tramp g‘azabli post qoldirdi va NATO davlatlarini Eronga qarshi urushda qatnashishdan bosh tortgani uchun tanqid qildi. Keyinroq Tramp jurnalistlar bilan suhbatda Fransiya Prezidenti Emmanuyel Makron yaqin orada o‘z lavozimini tark yetishini ma’lum qildi.