Ozarboyjonning O‘zbekistondagi elchisi 14 yillik missiyasini yakunladi

Bugun 08:401 daqiqa

Diplomat ikki davlat munosabatlarini mustahkamlashdagi xizmatlari uchun «Do‘stlik» va «Mehnat shuhrati» ordenlari bilan taqdirlangan.

Ozarboyjonning O‘zbekistondagi elchisi 14 yillik missiyasini yakunladi

Ozarboyjonning O‘zbekistondagi favqulodda va muxtor elchisi Guseyn Guliyev mamlakatdagi 14 yillik diplomatik missiyasini yakunladi. Bu haqda O‘zbekiston tashqi ishlar vaziri Baxtiyor Saidov diplomat bilan o‘tkazilgan xayrlashuv uchrashuvida ma’lum qildi.

Elchining xizmatlari e’tirofi

Uchrashuv davomida Guseyn Guliyevning O‘zbekistondagi samarali faoliyati hamda ikki davlat o‘rtasidagi strategik sheriklik va ittifoqchilik munosabatlarini mustahkamlashga qo‘shgan hissasi yuqori baholandi. Tashqi ishlar vazirining ta’kidlashicha, elchi ushbu yillar davomida nafaqat Ozarboyjonning munosib vakili, balki diplomatik korpus duayeni sifatida ham yuksak hurmat va e’tirofga sazovor bo‘lgan.

O‘zbekiston va Ozarboyjon o‘rtasidagi do‘stlik hamda birodarlik aloqalarini rivojlantirish yo‘lidagi ko‘p yillik xizmatlari uchun Guseyn Guliyev O‘zbekistonning «Do‘stlik» va «Mehnat shuhrati» ordenlari bilan taqdirlangan. Vazir diplomatga minnatdorlik bildirib, uning kelgusi faoliyatiga muvaffaqiyatlar tiladi.

Bundan avvalroq, 22-iyun kuni O‘zbekiston Respublikasi Prezidenti Shavkat Mirziyoyev ham diplomatik missiyasini yakunlayotgan Guseyn Guliyevni qabul qilgan edi. Ushbu qabul doirasida davlat rahbari ozarboyjonlik diplomatni «Mehnat shuhrati» ordeni bilan mukofotlagan.

Mavzuga oid

Bugun 08:20

Tramp Anqarada: U Turkiyaga nisbatan sanksiyalarni bekor qildi

Shuningdek, u Turkiyaga F-35 samolyotlarini sotish imkoniyati ko‘rib chiqilishini bildirdi.

Kecha 18:46

To‘qayev Yangi Konstitutsiya tufayli yana prezident bo‘lishi mumkin

Biroq, u 2024 yil prezident faqat bir marta, yetti yil muddatga saylanishi mumkinligi qoidasi «endi hech qachon o‘zgarmasligini» ta’kidlagandi.

Kecha 16:51

Davlat boshqaruvida yagona integratsiyalashgan raqamli platforma joriy etish taklif qilindi

Platforma sun’iy intellekt texnologiyalari asosida ma’lumotlarni tahlil qilish, hududlar kesimida muammolarni barvaqt aniqlash, qarorlar ijrosini monitoring qilish, resurslarni to‘g‘ri yo‘naltirish va boshqaruv samaradorligini oshirish imkonini beradi.

Kecha 21:15

Yashash uchun eng yaxshi va yomon shaharlar e’lon qilindi. Toshkent nechinchi o‘rinda?

Dunyoning yashash uchun eng qulay shaharlari reytingi yangilandi. Ketma-ket ikkinchi yil Kopengagen birinchi o‘rinni egalladi. Toshkent esa Olmata va Bokudan ortda qoldi.

Kecha 17:13

Bir asr, uch alifbo: til, millat, yozuv bilan nimalar yuz berdi?

Ushbu maqolada til mustaqilligi uchun kurash, alifboning nega yillar mobaynida o‘zgargani tahlil qilingan. Shuningdek, alifboni yangilash islohotmi yoki siyosat ekani borasida ham so‘z boradi.

Kecha 19:44