O‘zbekistonda kuzatilmaydigan iqtisodiyotning YIMdagi ulushi 22 foizdan pasaydi

Bugun 19:202 daqiqa

2026-yilning yanvar-sentabr oylarida kuzatilmaydigan iqtisodning yalpi qo‘shilgan qiymati 382,7 trln so‘mni tashkil etdi. Uning eng katta ulushi, ya’ni 57,6 foizi qishloq, o‘rmon va baliqchilik xo‘jaligiga to‘g‘ri kelmoqda.

O‘zbekistonda kuzatilmaydigan iqtisodiyotning YIMdagi ulushi 22 foizdan pasaydi

2026-yilning yanvar-sentabr oylari yakunlariga ko‘ra, O‘zbekistonda kuzatilmaydigan iqtisodiyotning yalpi ichki mahsulotdagi (YIM) ulushi 21,8 foizni tashkil etdi va uning yalpi qo‘shilgan qiymati 382,7 trln so‘mga yetdi. Bu haqda Milliy statistika qo‘mitasi ma’lum qildi.

Qayd etilishicha, ortda qolgan to‘qqiz oy mobaynida mamlakat YIM hajmi 1,755 kvadrillion so‘mga yetib, real hisobda 8,3 foizga o‘sgan. Bu fonda kuzatilmaydigan iqtisodiyotning YIMdagi ulushida ketma-ket pasayish dinamikasi qayd etilmoqda.

Xususan, mazkur ko‘rsatkich joriy yilning birinchi yarim yilligi yakunlari bo‘yicha 22,9 foizni, o‘tgan 2025 yilning mos davrida (yanvar-sentabr oylarida) esa 23,9 foizni tashkil qilgan edi.

Tarmoqlar kesimidagi holat va o‘zgarishlar

Yanvar-sentabr oylari yakunlari tahlili shuni ko‘rsatmoqdaki, kuzatilmaydigan iqtisodiyotning eng katta ulushi an’anaviy ravishda qishloq, o‘rmon va baliqchilik xo‘jaligi hissasiga to‘g‘ri kelmoqda — 57,6 foiz.

Keyingi o‘rinlarni xizmatlar sohasi (23,8 foiz), qurilish (8,3 foiz) hamda sanoat tarmoqlari (4,9 foiz) band etgan.

Ushbu ko‘rsatkichlar joriy yilning birinchi yarim yillik yakunlari bilan taqqoslanganda, tarmoqlar tarkibida sezilarli o‘zgarishlar yuz bergani oydinlashadi.

Jumladan, qishloq, o‘rmon va baliqchilik xo‘jaligida kuzatilmaydigan iqtisodiyot ulushi 60,5 foizdan 57,6 foizgacha pasaygan.

Shuningdek, keskin kamayish tendensiyasi qurilish sohasida 17,8 foizdan 8,3 foizgacha, sanoat tarmoqlarida esa 6,7 foizdan 4,9 foizgacha qayd etildi. Biroq, barcha tarmoqlarda ham pasayish kuzatilmagan: xizmatlar sohasida yashirin iqtisodiyot ko‘rsatkichining o‘sishi kuzatilib, uning ulushi 23 foizdan 23,8 foizgacha ortgan.

Eslatib o‘tamiz, O‘zbekistondagi ikki shahar aholisi daromadlarini deklaratsiya qilinishi haqida xabar berilgandi. Deklaratsiyada mehnatga haq to‘lash tarzidagi, mulkiy, moddiy foyda tarzidagi va boshqa daromadlar ko‘chmas mulk, ko‘char mulk va majburiyatlar bo‘yicha xarajatlar ko‘rsatiladi.

Teglar

iqtisodiyot yashirin iqtisodiyot YIM

Mavzuga oid

Bugun 15:03

Taqiqlangan manba va kontentlarning yangilangan ro‘yxati e’lon qilindi

Oliy sud ekstremistik va terroristik deb topilgan qariyb 2057 ta internet manbani rasman ochiqladi.

Bugun 16:09

Toshkent aeroportining yonilg‘i quyish majmuasini xususiylashtirishga 5 ta investor qiziqish bildirdi

Majmuani xususiylashtirish bo‘yicha ochiq savdolarning dastlabki bosqichi yakunlandi.

Bugun 16:33

Oliy sud raisi o‘rinbosari ishdan olindi — Vaqt.uz manbasi

U 2025-yilda besh yil muddatga ushbu lavozimga saylangandi.

Bugun 18:20

Buxorodagi 7,8 mlrd dollarlik 145 ta loyiha: ayrimlari ishga tushdi, qolganlarining qurilishi boshlandi

Loyihalarning amalga oshirilishi natijasida 14 mingdan ortiq ish o‘rni yaratilishi, yiliga 22 trln so‘mlik mahsulot ishlab chiqarilishi va 510 mln dollarlik eksport imkoniyati paydo bo‘lishi kutilmoqda.

Kecha 20:13

«UzAuto Motors»ning debitorlik qarzdorligi 2,5 trln so‘mdan oshdi

Shu bilan birga, kompaniyaning omborlaridagi mahsulot va tovar-moddiy zaxiralari hajmi 11,73 trln so‘mdan 17,97 trln so‘mgacha ko‘paydi.

Bugun 08:00

«UzAuto Motors»ning valuta kursidan oladigan foydasi 4 baravarga kamaydi

O‘tgan yilning 9 oyida kompaniya valuta kurslari farqining o‘zidan 726 mlrd so‘mdan ortiq sof foyda olgan edi. Bu yil esa valuta tebranishlaridan foyda atiga 173,9 mlrd so‘mni tashkil qilgan.