«Anorbank»ning Interpol qidiruviga tushgan aksiyadori kuzatuv kengashidan chiqmoqchi
2025-yilning yozida u Fransiyada o‘g‘irlab ketilgani va qiynoqqa solingani da’vo qilingan edi. Bank ulushining 49,4 foizi aynan ushbu aksiyadorga tegishli bo‘lgan.
© Ijtimoiy tarmoqlarInterpol qidiruviga tushgan aksiyadori o‘zbekistonlik moliyachi va «Anorbank»ning asosiy aksiyadorlaridan biri Qahramonjon Olimov bankning 2-oktabr kuni Kuzatuv kengashi tarkibidan chiqish to‘g‘risida ariza berdi. Bu haqda bank matbuot xizmati xabar berdi.
Mazkur masala 28-oktabr kuni aksiyadorlarning umumiy yig‘ilishida ko‘rib chiqiladi.
Bankning qo‘shimcha qilishicha, 5-oktabr kuni bo‘lib o‘tgan navbatdagi aksiyadorlarning umumiy yig‘ilishida qo‘shimcha investitsiyalarni jalb qilish maqsadida «Anorbank» aksiyalarini 100 mlrd so‘m miqdorida qo‘shimcha emissiya qilish to‘g‘risidagi qaror tasdiqlangan. Shu tariqa, kapitalni oshirish rejasining amalga oshirilishi endilikda alohida aksiyador bilan bog‘liq holatlarga bog‘liq bo‘lmasligi kerakligi aytilgan.
«Ayni vaqtda bank qo‘shimcha emissiyani amalga oshirish va kapitalni amalda oshirish uchun qonunchilik hamda korporativ tartib-taomillarda nazarda tutilgan zarur bosqichlarni amalga oshirmoqda», — deyiladi xabarda.
Bank odatdagi rejimda faoliyat yuritishda, mijozlar oldidagi majburiyatlarini bajarishda va barcha asosiy bank xizmatlarining ishlashini ta’minlashda davom etayotgani ma’lum qilindi.
«Fitch Ratings» 8-oktabr kuni Kahramonjon Olimov bilan bog‘liq vaziyat sababli kapitalni to‘ldirish atrofidagi noaniqlikni vaj qilib, «Anorbank» reytingini CCC+ dan CCC darajasiga tushirdi. Korxona va tashkilotlarning yagona davlat reyestrining avval e’lon qilingan ma’lumotlariga ko‘ra, «Anorbank» aksiyalarining 49,4 foizi Olimovga, 50 foizi Niderlandiyaning Bekamin B.V. kompaniyasiga, 0,6 foizi esa «Kapital Sug’urta» sug‘urta kompaniyasiga tegishli bo‘lgan.
