Buxoro neftni qayta ishlash zavodining modernizatsiya qilishga 328 mln dollar yo‘naltiriladi

Bugun 10:212 daqiqa

Loyiha doirasida zavodning yillik qayta ishlash quvvati ikki baravarga oshirilib, 5 mln tonnaga yetkaziladi. Shuningdek, Yevro-5 standartlariga javob beradigan AI-92 va AI-95 rusumli benzin ishlab chiqarish hajmini ko‘paytirish rejalashtirilgan.

Buxoro neftni qayta ishlash zavodining modernizatsiya qilishga 328 mln dollar yo‘naltiriladi

Buxoro viloyatidagi neftni qayta ishlash zavodida ishlab chiqarish hajmini oshirish va yuqori sifatli yonilg‘i mahsulotlari ulushini ko‘paytirish rejalashtirilmoqda. Prezident Shavkat Mirziyoyev Qorovulbozor tumaniga borganida shu loyiha taqdimoti bilan tanishdi.

Modernizatsiya natijasida korxonaning yillik qayta ishlash quvvatiga qo‘shimcha 2,5 mln tonna qo‘shiladi. Shu bilan birga, xomashyodan ko‘proq tayyor mahsulot olish uchun uni qayta ishlashning ayrim bosqichlari yangilanadi.

Xususan, zavodda yangi gidrotozalash va izomerizatsiya qurilmalarini ishga tushirish rejalashtirilgan. Ular yonilg‘i tarkibidagi zararli aralashmalarni kamaytirish va benzinning oktan sonini oshirishga xizmat qiladi. Bu esa Yevro-5 talablariga mos AI-92 va AI-95 benzin ishlab chiqarishni kengaytirish imkonini beradi.

Korxonaning amaldagi ishlab chiqarish ko‘rsatkichlariga ko‘ra, 2026-yilning dastlabki to‘qqiz oyida 1,36 mln tonna neft mahsulotlari tayyorlangan. Ularning qiymati 12,1 trln so‘mga teng bo‘lgan.

Shu davrda mahsulot va xizmatlar eksportidan 99,5 mln dollar tushum qayd etilgan. Yil oxirigacha eksport hajmini 116 mln dollarga yetkazish mo‘ljallangan. Zavodda ayni paytda 3,2 ming nafardan ziyod xodim ishlamoqda.

Loyiha amalga oshirilishi hisobiga ichki bozorni yonilg‘i bilan ta’minlash va mahsulot eksportini kengaytirish imkoniyatlari ortishi kutilmoqda.

^{Foto: Prezident matbuot xizmati}

Prezident tashrif davomida yangi uskunalarni mavjud ishlab chiqarish jarayonlariga mos ravishda o‘rnatish, modernizatsiyani o‘z vaqtida yakunlash va korxona faoliyatining uzluksizligini ta’minlash yuzasidan ko‘rsatmalar berdi.

Eslatib o‘tamiz, prezident Shavkat Mirziyoyev Buxoroga tashrifi chog‘ida umumiy qiymati 7,8 mlrd dollarlik 145 ta loyihani ishga tushirish va qurilishiga start bergandi.

Teglar

Shavkat Mirziyoyev Buxoro benzin neft modernizatsiya

Mavzuga oid

Bugun 08:00

Buxoroda 300 mln dollarlik yangi aeroport quriladi

Prezident Buxoroga kelgan mehmon avvalo aeroport, vokzal va yo‘llar holatiga e’tibor qaratishini ta’kidladi.

Kecha 15:03

Taqiqlangan manba va kontentlarning yangilangan ro‘yxati e’lon qilindi

Oliy sud ekstremistik va terroristik deb topilgan qariyb 2057 ta internet manbani rasman ochiqladi.

Kecha 18:20

Buxorodagi 7,8 mlrd dollarlik 145 ta loyiha: ayrimlari ishga tushdi, qolganlarining qurilishi boshlandi

Loyihalarning amalga oshirilishi natijasida 14 mingdan ortiq ish o‘rni yaratilishi, yiliga 22 trln so‘mlik mahsulot ishlab chiqarilishi va 510 mln dollarlik eksport imkoniyati paydo bo‘lishi kutilmoqda.

Kecha 21:26

«Xavfsiz talaba» mojarosi ortdan Jahon tillari universiteti dekani lavozimidan ozod etildi

Holat yuzasidan Ta’lim va ilm-fan vazirligi ishchi guruh tuzib, o‘rganish ishlarini boshlagan.

Kecha 23:00

Aholini xavotirga solayotgan narxlar, ikki karra o‘sgan iqtisodiyot va banklar uchun yangi reyting — 3-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 19:20

O‘zbekistonda kuzatilmaydigan iqtisodiyotning YIMdagi ulushi 22 foizdan pasaydi

2026-yilning yanvar-sentabr oylarida kuzatilmaydigan iqtisodning yalpi qo‘shilgan qiymati 382,7 trln so‘mni tashkil etdi. Uning eng katta ulushi, ya’ni 57,6 foizi qishloq, o‘rmon va baliqchilik xo‘jaligiga to‘g‘ri kelmoqda.