Ўзбек банки иловаси билан яна тўрт давлатда тўлов қилиш мумкин бўлади

Kecha 08:301 daqiqa

Ўзбекистон, Қозоғистон, Қирғизистон, Тожикистон ва Озарбойжон миллий QR-тўлов тизимларини ўзаро интеграция қилиш механизмини ишлаб чиқишга келишди.

Ўзбек банки иловаси билан яна тўрт давлатда тўлов қилиш мумкин бўлади

2026 йилнинг 22–23 октябр кунлари Тожикистонда Марказий Осиё давлатлари ва Озарбойжон марказий банклари вакилларининг тўлов тизимларини ривожлантиришга бағишланган тўртинчи минтақавий учрашуви бўлиб ўтди. Унда Ўзбекистон, Қозоғистон, Қирғизистон, Тожикистон ва Озарбойжон марказий банклари вакиллари иштирок этди.

Беш давлатнинг тўлов тизимлари бирлаштирилади

Қозоғистон Миллий банкининг маълум қилишича, учрашув иштирокчилари миллий QR-тўлов тизимларини ўзаро интеграция қилиш бўйича Қозоғистон томони таклиф этган ёндашувларни бир овоздан қўллаб-қувватлаган.

Томонлар 2026 йил охирига қадар миллий QR-тўлов тизимларининг ўзаро ишлаш механизмини аниқ ишлаб чиқишга келишиб олган.

Мазкур ташаббус амалга оширилса, беш мамлакат фуқаролари хорижга сафар қилган вақтда ўзлари фойдаланадиган банкнинг мобил иловаси орқали QR-кодни сканерлаб, товар ва хизматлар учун тўлов қилиши мумкин бўлади.

Шу билан бирга, иштирокчи мамлакатлар ўртасида реал вақт режимида пул жўнатиш ва қабул қилиш имкониятини яратиш ҳам кўзда тутилган.

Томонлар, шунингдек, тўлов тизимларининг ишончли ишлашини таъминлаш ва тўлов инфратузилмасини киберҳужумлардан ҳимоя қилиш, тўлов тизимларини назорат қилишда сунъий интеллект, «SupTech» ва «RegTech» технологияларини қўллаш ҳамда фирибгарликка қарши курашишнинг долзарб амалиётлари каби масалаларни ҳам муҳокама қилган.

Teglar

Қозоғистон Қирғизистон Озарбойжон QR тўлов Тожикистон UzQR HUMO Ўзбекистон

Mavzuga oid

Kecha 09:38

Дам олиш кунлари қайси банклар ишлайди? (Рўйхат)

31-октябр 1-ноябр кунлари жами 22 та банк томонидан валюта айирбошлаш ҳамда пул ўтказмаларини амалга ошириш мумкин.

Kecha 19:15

Зироат Мирзиёева Туркий давлатлар ташкилоти Оила ва хотин-қизлар кенгашининг илк йиғилишида иштирок этди

ТДТнинг 13-саммити доирасида ташкил этилган Оила ва хотин-қизлар кенгаши туркий давлатлар ўртасида оила институтини мустаҳкамлаш, хотин-қизлар ҳуқуқларини ҳимоя қилиш ва уларнинг имкониятларини кенгайтириш бўйича ҳамкорликни қўллаб-қувватлашга қаратилган.

Kecha 20:17

Ўзбекистон Афғонистонга темирйўл орқали юк ташиш тарифларини оширмоқда

Энди темирйўл орқали юк ташишда ҳар бир вагон учун, унинг тоифасига кўра, 800 минг сўмдан 1,3 миллион сўмгача (67–109 доллар) қўшимча ҳақ ундирилади.

Kecha 22:05

Тадбиркорлар боши узра қора булут — ҳафта дайжести

100 миллионлик маош, ўзбекистонликларнинг «пулланаётган» шахсий маълумотлари ва қайта уйғонган «Imarat Development» можароси. Ўзбекистонда нималар бўляпти? Шу ва бошқа янгиликлар билан Vaqt.uz дайжестида танишинг.

30.10.2026 | 23:02

Эҳтиёжмандларга 1 млн сўмлик ёрдам, «Пахтакор»га берилган 5 млрд сўм ва манфий ташқи савдо салдоси — 30 октябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 16:09

Тошкент метросида беш вагонли поездлар қатнови йўлга қўйилади

Тошкент метрополитенида тиғиз вақтларда поездлар беш вагонли қилинади ва қатнов оралиғи 2–3 дақиқагача қисқартирилади. Шунингдек, автобуслар қатновини кўпайтириш ҳамда уларнинг олд қисмига қоидабузарликларни қайд этувчи камералар ўрнатиш режалаштирилмоқда.