Президент маҳаллий банк инқирозидан кейин истеъфога чиқди

Парагвай президенти Сантяго Пеня мамлакатдаги «Ueno Bank» фаолияти тўхтатилганидан кейин истеъфога чиққанини маълум қилди.

Президент ижтимоий тармоқларда эълон қилган видео мурожаатида унинг асосий мақсади банкка омонат қўйган фуқароларнинг хотиржамлигини таъминлаш эканини айтди. Шунингдек, у одамлар ўз пулларини тўлиқ қайтариб олиши кафолатланиши кераклигини таъкидлади.

Пеня банк билан боғлиқ муаммолардан икки кун ўтиб истеъфога чиқди. Аввалроқ Парагвай Марказий банки «Ueno Bank» тўловларни амалга оширишда жиддий муаммоларга дуч келгани сабабли унинг бошқарувини ўз назоратига олган эди.

Бу қарордан кейин банкнинг қарийб уч миллион мижози ҳисобларидаги маблағлар музлатилди. Бу Парагвай аҳолисининг деярли ярмига тенг. Мамлакатда жами етти миллиондан ортиқ киши яшайди.

Банк инқирозидан кейин мамлакатда оммавий норозилик намойишлари бошланди. Намойишчилар президентнинг истеъфога чиқишини талаб қилди. Мухолифат эса Пеняга нисбатан импичмент эълон қилиш таклифини парламентга киритди.

5-ноябр куни ҳукмрон партия депутатлари ҳам президентни қўллаб-қувватлашдан бош тортгани маълум бўлди.

Эслатиб ўтамиз, аввалроқ Ўзбекистонда мурожаатлар бўйича энг ёмон натижа кўрсатган 10 та банк номи очиқланганди.