1,8 mlrd so‘m jarimani 210 mln so‘mga tushirib berishni vada qilgan shaxs ushlandi

Bugun 10:251 daqiqa

Farg‘onada elektr jarimasini kamaytirib berish evaziga 10 ming dollar pora talab qilgan muhandis qo‘lga olindi.

1,8 mlrd so‘m jarimani 210 mln so‘mga tushirib berishni vada qilgan shaxs ushlandi

Farg‘ona viloyatida «Energosavdo» filiali muhandisi katta miqdorda pora talab qilgani uchun qo‘lga olindi. Bu haqda DXX axborot xizmati xabar berdi.

Ma’lum bo‘lishicha, muhandis o‘z xizmat mavqeidan foydalanib, O‘zbekiston tumanida yashovchi 1962 yilda tug‘ilgan fuqaroga tegishli xonadon va xususiy bog‘cha bo‘yicha rasmiylashtirilgan dalolatnoma yuzasidan hisoblangan 1,8 mlrd so‘m jarimani 210 mln so‘mga tushirib berishni taklif qilgan.

Bu xizmat evaziga u fuqarodan 10 ming AQSH dollari talab qilgan. Holat huquqni muhofaza qiluvchi organlar tomonidan nazoratga olingan va tezkor tadbir rejalashtirilgan.

Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan tadbirda muhandis 9 ming AQSH dollarini uchinchi shaxs orqali olgan vaqtida ushlangan.

Hozirda ushbu holat yuzasidan jinoyat ishi qo‘zg‘atilgan. Muhandisga nisbatan «qamoq» ehtiyot chorasi qo‘llanilgan bo‘lib, tergov harakatlari davom etmoqda.

Teglar

korrupsiya Farg‘ona DXX elektr Energosavdo

Mavzuga oid

Kecha 16:00

Endi soliqdan qarzi borlarning ham elektr to‘loviga cheklov kiritiladi

Soliq qarzi 1 mln so‘mdan ortiq bo‘lgan iste’molchilarning elektr to‘lovlariga vaqtinchalik cheklov joriy etiladi. Mazkur tartib apreldan boshlab ayrim hududlarda ishga tushirilishi ma’lum qilindi.

Kecha 11:55

«Uzbekistan Airways» bayram munosabati bilan chegirma e’lon qildi

Navro‘z va Ramazon hayiti arafasida aviakompaniya ichki parvozlar uchun arzonlashtirilgan tariflarni joriy qildi.

Bugun 09:35

O‘zbekistonliklar Ramazon hayiti va Navro‘z bayramida necha kun dam olishi ma’lum qilindi

Haftasiga besh kun ishlovchi o‘zbekistonliklar Ramazon hayiti va Navro‘z bayrami munosabati bilan ketma-ket 4 kun, haftasiga 6 kun ishlaydiganlar 3 kun dam oladi.

16.03.2026 | 12:56

Martning ikkinchi yarmi uchun gaz limiti ma’lum qilindi

Avvalroq sovuq ob-havo kutilmalari sabab aholi uchun qo‘llanilgan 500 metr kublik gaz imtiyozi 15-martgacha uzaytirilgan edi. Energetika vazirligi martning ikkinchi yarmi uchun bazaviy me’yor qanday hisoblanishini ma’lum qildi.

Kecha 19:48

Islomofobiyaning «normallashuvi»: Yevropa qo‘rquvni davlat siyosatiga aylantirdi

So‘nggi o‘n yil ichida Yevropa Ittifoqida islomofobiya ikkinchi darajali hodisa bo‘lishdan to‘xtab, siyosiy tizimning ajralmas qismiga aylandi. Tadqiqotchilarning fikricha, islom dinidan qo‘rqish tobora ko‘proq qonunchilikda, davlat siyosatida va ijtimoiy muloqotda mustahkamlanib bormoqda.

Kecha 16:15

Qoidabuzarligini ijtimoiy tarmoqlarda tarqatganlar jazolanadi

Internet tarmoqlarida haqorat, so‘kinish va fuqarolarning sha’ni hamda qadr-qimmatini tahqirlovchi xatti-harakatlar, shuningdek, harbiy harakatlarni targ‘ib qiluvchi yoki sodir etilgan huquqbuzarliklarni namoyish etuvchi materiallarni tarqatganlik uchun ma’muriy javobgarlik joriy etuvchi qonun loyihasi qabul qilindi.