Andijonda pichoqlab o‘ldirilgan IIV xodimiga «Jasorat» medali berildi
08.07.2025 | 20:018762
Andijonda xizmat vaqtida halok bo‘lgan katta leytenant Abdurasul Abduvaliyev vafotidan so‘ng «Jasorat» medali bilan taqdirlandi. Unga berilgan mukofot oila a’zolariga tantanali ravishda topshirildi.
Andijon viloyati Xo‘jaobod tumanida xizmat burchini bajarayotgan paytda halok bo‘lgan profilaktika inspektori, katta leytenant Abdurasul Abduvaliyev Prezident farmoniga asosan «Jasorat» medali bilan taqdirlandi.
Mahalliy hokimlik tomonidan tashkil etilgan uchrashuvda viloyat hokimi Shuhratbek Abdurahmonov va mutasaddilar marhumning onasi bilan suhbatlashib, o‘z ta’ziyasini bildirgan va uning jamiyatda amalga oshirilayotgan islohotlarga qo‘shgan ulkan hissasini e’tirof etgan.
Uchrashuv davomida qahramonning yuksak fazilatlari, xizmat davridagi shijoati va mardligi yodga olingan.
