add

Dollar hamon hukmron: jahon valuta operatsiyalarining 88 foizi unga to‘g‘ri keladi

Kecha 09:002 daqiqa
DUNYO
|
Birjalar

Yangi tadqiqotlar dollar ishtirokisiz global valuta bozorini tasavvur etish deyarli imkonsizligini ko‘rsatmoqda.

Dollar hamon hukmron: jahon valuta operatsiyalarining 88 foizi unga to‘g‘ri keladi

Jahon valuta bozorida amalga oshirilayotgan operatsiyalarning 88 foizida AQSH dollari ishtirok etadi. Bu ko‘rsatkich dollar hanuz global moliya tizimining markazida ekanini tasdiqlaydi. OANDA va Visual Capitalist o‘rtasida o‘tkazilgan qo‘shma tadqiqotga ko‘ra, dollar bilan eng faol savdo qilinadigan valuta — yevro hisoblanadi.

FX Volume Survey natijalariga asosan, EUR/USD juftligi kunlik o‘rtacha 135,3 mlrd dollarlik aylanma bilan mutlaq yetakchi bo‘lib qolmoqda. Bu AQSH va yevrozona o‘rtasidagi savdo, investitsiya va moliyaviy bog‘liqlik yuqori darajada ekanini ko‘rsatadi.

Ikkinchi o‘rinda yapon iyenasi joy olgan — USD/JPY juftligi bo‘yicha kunlik savdo hajmi 92,7 mlrd dollarga teng. Uchinchi o‘rinni esa Kanada dollari egallab, USD/CAD operatsiyalari 52,9 mlrd dollarlik kunlik aylanmani tashkil etgan.

Eng faol valuta juftliklari

Dollar bilan savdo qilinadigan valutalar orasidagi yetakchi o‘nlik quyidagicha shakllangan:

Yevro — 135,3 mlrd dollar

Yapon iyenasi — 92,7 mlrd dollar

Kanada dollari — 52,9 mlrd dollar

Britaniya funti — 43,9 mlrd dollar

Avstraliya dollari — 36,3 mlrd dollar

Meksika pesosi — 27,4 mlrd dollar

Shveysariya franki — 18,4 mlrd dollar

Hongkong dollari — 15,4 mlrd dollar

Singapur dollari — 14,4 mlrd dollar

Xitoy yuani — 11,0 mlrd dollar

Ushbu ro‘yxatdan ko‘rinib turibdiki, dollar atrofida shakllangan savdo asosan rivojlangan va yirik savdo sheriklariga ega iqtisodiyotlar hissasiga to‘g‘ri keladi.

Nomutanosiblik va sabablar

Tadqiqotda ikki jihat alohida e’tiborni tortadi. Birinchidan, Meksika pesosi savdo hajmi bo‘yicha shveysariya frankini ortda qoldirib, hatto Xitoy yuanidan qariyb uch barobar yuqori ko‘rsatkich qayd etgan. Bu AQSH kompaniyalarining ishlab chiqarishni Xitoydan Meksikaga ko‘chirishi — «niarshoring» jarayoni bilan bog‘liq.

Ikkinchidan, dunyoda ikkinchi yirik iqtisodiyot hisoblangan Xitoyning yuani dollar bilan savdoda nisbatan past o‘rinda qolmoqda. Mutaxassislar bu holatni Pekin tomonidan amalga oshirilayotgan qat’iy valuta nazorati va kapital harakatining cheklangani bilan izohlaydi.

Natijada dollarga muqobil tizimlar muhokama qilinsa-da, amalda global valyut bozori hali ham AQSH valutasiga tayanayotgani aniq ko‘rinib turibdi.

Teglar

savdodollaryevrovalutabozorFX

Mavzuga oid

Apple so‘nggi chorakda rekord darajada daromad oldi
Kecha 14:55

Apple so‘nggi chorakda rekord darajada daromad oldi

Apple o‘tgan yilning so‘nggi choragida 85 mlrd dollar daromad oldi, asosiy o‘sish iPhone sotuvlari hissasiga to‘g‘ri kelmoqda.

AQSHda Migratsiya politsiyasiga qarshi isyon avj oldi — fotojamlanma
Kecha 21:50

AQSHda Migratsiya politsiyasiga qarshi isyon avj oldi — fotojamlanma

Amerikaning 43 ta shtatida Migratsiya va bojxona politsiyasining shafqatsizligiga qarshi ommaviy namoyishlar qayta avj oldi. Unga migrantlarga yordam berishga uringan ikki kishining o‘q yeb, vafot etgani turtki bo‘lgan.

Shatdaun: AQSH federal hukumati qisman faoliyatini to‘xtatdi
Kecha 09:35

Shatdaun: AQSH federal hukumati qisman faoliyatini to‘xtatdi

AQSHda hukumat faoliyatm qisman to‘xtab qoldi. Respublikachilar yaqin kunlar ichida buni tugatmoqchi va shundan keyin Vakillar palatasida Imigratsiya va bojxona nazorati xizmati (ICE) islohotlari bo‘yicha ikki hafta davomida munozara olib bormoqchi.

Si Jinping yuanni global zaxira valutaga olib chiqishga chaqirdi
Kecha 17:10

Si Jinping yuanni global zaxira valutaga olib chiqishga chaqirdi

Xitoy rahbari yuanni xalqaro savdo va moliyada faol qo‘llanadigan kuchli valutaga aylantirish zarurligini ta’kidladi.

XVJ rahbari: global inflatsiya pasayadi, savdoda integratsiya zarur
Kecha 12:35

XVJ rahbari: global inflatsiya pasayadi, savdoda integratsiya zarur

Kristalina Georgiyeva geosiyosat, savdo siyosati, texnologiya va demografik o‘zgarishlardagi jiddiy siljishlarga qaramay, jahon iqtisodiy o‘sishi “ajablanarli darajada barqaror” bo‘lib qolganini aytdi.

AQSH Rossiyaning Afrikadagi ta’siriga qarshi harakat boshladi
Kecha 22:10

AQSH Rossiyaning Afrikadagi ta’siriga qarshi harakat boshladi

Vashington Sahel mintaqasidagi «shaxmat taxtasi»da kutilmagan yurishni amalga oshirdi. Oq uy an’anaviy demokratiya darslarini chetga surib, Rossiyaning mintaqadagi harbiy monopoliyasini jilovlash uchun muloqotga tayyor.