Isroilning Eronga qarshi urushi qimmatga tushmoqda

The Wall Street Journal manbasiga ko‘ra (), Isroil hozirda Eronga qarshi ehtimoliy to‘qnashuv sharoitida havo mudofaasiga kuniga 200 million dollargacha sarflamoqda. Bu xarajatlar raketa zarbalari va ularni qaytarishda qo‘llanilayotgan qurol-aslaha va harbiy aviatsiya faoliyati bilan bog‘liq. Financial Express nashrining tahliliga ko‘ra, Isroilning aviatsiya orqali amalga oshirayotgan hujum harakatlari, shu jumladan parvoz vaqti, aviatsiya vositalari va o‘q-dorilar xarajatlari 593 million dollardan oshgan. Bu mablag‘larga zaxira qo‘shinlarining tezkor ravishda joylashtirilishi va raketa hujumlarini qaytarish xarajatlari ham qo‘shiladi. Shu tariqa, nashrning xulosasiga ko‘ra, Isroil uchun Eronga qarshi urush kuniga taxminan 725 million dollar xarajat talab qiladi. Bu ko‘rsatkich faqat to‘g‘ridan-to‘g‘ri harbiy xarajatlarni qamrab oladi. Sobiq moliya maslahatchisi Re’yem Aminach ta’kidlashicha, Isroil Eronga qarshi amalga oshirilgan birgina 48 soatlik operatsiyada 1,45 milliard dollar sarflagan. Bu mablag‘ qisqa muddatli operatsiyaning o‘zi qanchalik qimmatga tushayotganini namoyon qiladi. Shu bilan birga, Calcalist manbasi ma’lumotiga ko‘ra, G‘azodagi urush 2024 yil oxiriga kelib Isroilga 250 milliard shekel yoki taxminan 67,5 milliard dollarga tushgan. Bu summa harbiy harakatlar, fuqarolarni qo‘llab-quvvatlash va iqtisodiy yo‘qotishlarni o‘z ichiga oladi. Faqatgina 300 ming zaxira askarining mobilizatsiyasi asosiy xarajatlardan biri bo‘lgan. Moliiya vazirligining hisob-kitobiga ko‘ra, 100 ming askarning bir kunlik ta’minoti 100 million shekel, ya’ni 27 million dollarni tashkil etadi. Bu esa Isroilning keng ko‘lamli urushlar olib borishdagi xarajatlarini yanada oshiradi.