Jizzaxda 2 ta katta va kichik quvvatli AESlar quriladi — Jamshid Xodjayev

Jizzax viloyatida quvvati 2 GVt bo‘lgan ikki katta atom elektr stansiyasi va 110 MVt quvvatli ikki kichik atom elektr stansiyasi qurish loyihasi amalga oshirilishi rejalashtirilgan. O‘zbekiston va Rossiyaning hamkorligida olib boriladigan bu loyiha mamlakat tarixidagi ilk atom elektr stansiyasi bo‘lib, yangi energiya manbalarini ishlab chiqarish va milliy energetikadagi samaradorlikni oshirishni maqsad qilgan. Bu haqda O‘zbekiston bosh vaziri o‘rinbosari Jamshid Xodjayev 25 cyentyabr kuni Moskvada bo‘lib o‘tgan Global atom forumida ma’lum qildi. Loyihada har biri 1000 MVt quvvatga ega ikkita katta reaktor va har biri 55 MVt quvvatli ikki kichik reaktor qurish ko‘zda tutilgan. Bu kombinatsiyalangan yondashuv 2,1 GVt asosiy quvvat ishlab chiqarish va manyovr imkoniyatlarini ta’minlaydi. Shuningdek, kichik modulli reaktorlar va katta reaktorlar o‘rtasidagi integratsiyalangan model ham rivojlantiriladi. Ma’lumotlarga ko‘ra, 2035 yilga borib, Jizzaxdagi atom elektr stansiyasi yillik 15 milliard kVt/soatdan ortiq energiya ishlab chiqaradi. «Rosatom» va O‘zbekistonning «O‘zatom» agentligi loyihani ko‘p bosqichlarda amalga oshirish uchun tayyorgarlikni boshlashgan. Quvvatli AESlar o‘rtasidagi muvozanatli integratsiya energetika xavfsizligini ta’minlashga qaratilgan. Loyihaga ko‘ra, 2025 yil kuzda Jizzaxdagi kichik AES uchun kotlovan qazish ishlari boshlanadi. 2026 yilda birinchi beton quyish ishlari boshlanishi kerak. O‘zbekiston va Rossiya atom energetikasi bo‘yicha xalqaro xavfsizlik standartlariga muvofiqligini ta’minlash uchun MAGATE bilan hamkorlik qilmoqda.