Konor MakGregor Irlandiya prezidenti bo‘lish niyatida

05.09.2025 | 08:4049963

UFC yulduzi Konor MakGregor Irlandiya prezidenti saylovlarida ishtirok etish niyatini ma’lum qildi. Saylov 24 oktyabr kuni bo‘lib o‘tadi.

Konor MakGregor Irlandiya prezidenti bo‘lish niyatida

UFC’ning taniqli jangchisi, ikki vazn toifasida sobiq chempion Konor MakGregor 2025 yil 24 oktyabr kuni o‘tadigan Irlandiya prezidenti saylovlarida ishtirok etish niyati borligini ma’lum qildi. Bu haqda u shaxsan Instagram sahifasida bayonot berdi. «Irlandiya fuqarolari, haqiqiy o‘zgarishlar vaqti keldi! Prezident sifatida men hech qanday qonun loyihasini xalq muhokamasisiz imzolamayman», — deb yozdi MakGregor o‘z murojaatida. 36 yoshli Konor MakGregor UFC tarixida bir paytning o‘zida ikki vazn toifasida chempionlik kamarini qo‘lga kiritgan ilk jangchi hisoblanadi. U yarimengil va yengil vaznda chempion bo‘lgan. MakGregor jang maydonidan tashqarida ham ommaviy madaniyatda faol ishtirok etmoqda. 2024 yili u Hollivud yulduzi Jeyk Jillenhol bilan birga «Yo‘l yoqasidagi uy» (Road House) filmida bosh rollardan birini ijro etdi. Bu uning kino sohasidagi ilk yirik loyihasi bo‘ldi. MakGregorning siyosiy sahnaga qadam qo‘yishi irlandiyaliklar va xalqaro jamoatchilik orasida qizg‘in muhokamalarga sabab bo‘lmoqda. Uning saylovlarda rasmiy nomzod sifatida ro‘yxatdan o‘tishi, kampaniya platformasi va siyosiy dasturi bo‘yicha rasmiy ma’lumotlar hali e’lon qilinmagan.

Teglar

siyosat Irlandiya prezident saylovi UFC Konor MakGregor

Mavzuga oid

30.10.2025 | 10:40

O‘zbekiston xalq artisti Yoqub Ahmedov 87 yoshida olamdan o‘tdi

O‘zbek kinosi va madaniyati katta yo‘qotishga uchradi — taniqli teatr va kino aktyori, muallimi, O‘zbekiston xalq artisti Yoqub Ahmedov 87 yoshida olamdan o‘tdi.

03.11.2025 | 19:25

Ohangarondagi janjal: maktabgacha ta’lim muassasasi direktori ishdan bo‘shatildi

Ohangaron tumanidagi 35-sonli davlat maktabgacha ta’lim tashkiloti direktori hamda tuman Maktabgacha va maktab ta’limi bo‘limi boshlig‘i o‘rtasida janjal kelib chiqqandi.

03.11.2025 | 09:29

Afg‘onistondagi 6,3 balli zilzilada 12 kishi qurbon bo‘ldi

Bugun tungi soat 1:30 larda Afg‘oniston shimolida sodir bo‘lgan kuchli zilzila O‘zbekistonning ko‘p qismida sezildi. Tabiiy ofat kamida 12 kishining hayotiga zomin bo‘lgan, 150 dan ortiq odam yaralangan.

01.11.2025 | 11:25

Rossiya Davlat dumasi Telegram va WhatsApp’da ro‘yxatdan o‘tishni bloklashni ma’qulladi

Duma qo‘mitasi Telegram va WhatsApp’da SMS orqali ro‘yxatdan o‘tishni taqiqlashni «zamon talabi» deb atadi. Deputatlar bu chora davlat messenjeri Max’ning rivojiga xizmat qilishini ta’kidladi.

04.11.2025 | 19:30

Qozog‘iston va AQSH KQK orqali neft tranzitini muhokama qilmoqda

Mazkur konsorsium Qozog‘iston g‘arbidan Novorossiysk porti yaqinidagi Qora dengizdagi terminallarga neft yetkazib berish uchun qurilgan yirik xalqaro neft quvurlari tizimi hisoblanadi.

31.10.2025 | 17:30

Britaniya qiroli o‘z ukasini barcha unvonlaridan mahrum qildi

Buyuk Britaniya qiroli Charlz III ukasi Shahzoda Endryuni barcha rasmiy unvon va faxriy maqomlaridan mahrum qilib, uni Bukengem qarorg‘ohidan chiqarib yuborishga qaror qildi.