Marko Rubio Markaziy Osiyoga keladi
AQSH Markaziy Osiyo davlatlariga nisbatan amalda saqlanib qolgan Jekson–Venik tuzatishini bekor qilish masalasini ko‘rib chiqmoqda.
AQSH Davlat kotibi Marko Rubio Kongress Vakillar palatasining Tashqi ishlar qo‘mitasidagi tinglovlarda Jekson-Venik tuzatishining bekor qilinishi tarafdori ekanini ma’lum qildi.
Bu tuzatish AQSHning Markaziy Osiyo respublikalari bilan savdo munosabatlaridagi cheklovlarni olib tashlaydi.
«Biz bu foydali bo‘ladi deb hisoblaymiz», — deb ta’kidladi u.
Marko Rubio shuningdek 2026 yil oxirida Markaziy Osiyoga safar qilishi rejalashtirilganini ma’lum qildi.
Safar davomida u AQSH va besh Markaziy Osiyo davlati o‘rtasidagi S5+1 formatidagi uchrashuvlarda ishtirok etadi.
S5+1 formati
S5+1 formati AQSH va Qozog‘iston, Qirg‘iziston, Tojikiston, Turkmaniston va O‘zbekistonni qamrab oladigan hamkorlik mexanizmi hisoblanadi.
Vashington bu formatdan 2015 yildan beri foydalanib kelmoqda.
Mazkur format doirasida uchrashuvlar mintaqada iqtisodiy va siyosiy hamkorlikni rivojlantirishga qaratilgan.
