Mask va Tramp o‘rtasidagi nizo Tesla’ning Yevropadagi muammolarini hal qilishi mumkin
Ilon Mask va Donald Tramp o‘rtasidagi siyosiy qarama-qarshilik Tesla uchun foydali ssenariyga aylanishi mumkin. Yevropa bozoridagi boykot xavfi kamayishi, savdo urushidagi kelishuvlar esa kompaniyaning xarajatlariga ta’sir ko‘rsatishi kutilmoqda.
Tesla kompaniyasi 2025 yilning birinchi choragida global savdolarning pasayishi va sof foydaning 71 foizga tushishi bilan bog‘liq qiyin davrni boshdan kechirmoqda. Xususan, Model 3 va Model Y elektromobillari 12 foizga kamroq sotilgan (323,8 ming dona). Boshqa modellarda bu ko‘rsatkich 24 foizga tushgan.
Kompaniyaning umumiy foydasi shu davrda 409 mln dollarni tashkil etgan — bu o‘tgan yilning shu davriga nisbatan katta tushishni anglatadi. Shu bilan birga, Tesla’ning energiya saqlash bo‘limi eng tez o‘suvchi segment sifatida qayd etildi: Powerwall va Megapack uskunalari 54 foizga ko‘proq sotilgan va 10,4 GWh elektr energiyasi siqib saqlashga xizmat qilgan.
Yevropada Tesla’ga nisbatan shakllanayotgan iste’molchi boykoti keyingi yillarda kompaniya uchun jiddiy muammoga aylangan edi. Biroq Mask va Tramp o‘rtasidagi ochiq siyosiy ziddiyat Yevropa jamoatchiligi nazarini Mask foydasiga o‘zgartiradi, deb baholanmoqda.
Shuningdek, AQSH va Xitoy o‘rtasidagi savdo urushlari kompaniya kelajagiga jiddiy ta’sir ko‘rsatishi mumkin. Agar Tramp va Si Jinping o‘rtasida tariflar borasida kelishuvga erishilsa, Xitoydagi Tesla zavodlaridan boshqa bozorlarga yetkazib berish arzonroq va barqarorroq bo‘lishi mumkin.
Tesla uchun yangi xavflar va imkoniyatlar parallel ravishda yuzaga chiqmoqda. Maskning siyosiy qaydlari faqat texnologik yetakchilik emas, balki global bozorlardagi mavqeiga ham ta’sir etmoqda.
