Modi Trampning Pokiston bo‘yicha bayonotiga qarshi chiqdi — Bloomberg

18.06.2025 | 12:456063

Hindiston bosh vaziri Narendra Modi AQSH prezidenti Donald Trampning o‘tgan oydagi Hindiston va Pokiston o‘rtasidagi to‘rt kunlik harbiy to‘qnashuvni to‘xtatishda savdo kelishuvlari vositasida vositachilik qilgani haqidagi da’volarini rad etdi, deya xabar bermoqda Bloomberg nashri.

Modi Trampning Pokiston bo‘yicha bayonotiga qarshi chiqdi — Bloomberg

Hindiston Tashqi ishlar kotibi Vikram Misrining ma’lum qilishicha, Modi va Tramp seshanba kuni kechqurun 35 daqiqalik telefon muloqotini amalga oshirgan. Bu ularning Kanadada o‘tgan G7 sammitida shaxsan uchrasha olmaganidan keyingi ilk muloqoti bo‘ldi. Muloqot paytida Modi AQSH vositachiligi va savdo kelishuvlari haqida hech qanday muzokara bo‘lmaganini ochiq aytgan. «Modi Trampga Hindiston hech qachon vositachilikni qabul qilmagan, hozir ham qilmaydi va kelajakda ham qabul qilmaydi», — dedi Misri. Tramp esa uzoq vaqtdan beri AQSHning ushbu kelishuvda vositachilik qilganini va savdo foydalarini muzokaralarda foydalanganini aytmoqda. Bu fikrni Pokiston ham qo‘llab-quvvatlamoqda — Islomobod AQSHning urinishlarini yuqori baholagan va vositachilikka ochiq ekanini bildirgan. Mazkur mojaro 22 aprel kuni Kashmirdagi hind nazoratidagi hududdagi hujumdan keyin boshlangan. Hindiston buni terrorchilik akti deb baholagan va aybni Pokistonga yuklagan. Pokiston esa bu ayblovlarni rad etgan. Tramp chorshanba kuni Pokiston armiyasi bosh qo‘mondoni Asim Munir bilan Oq uyda uchrashishi kutilmoqda. Shuningdek, u Modini ham AQSHga taklif etgan, ammo bosh vazir oldindan belgilangan tashriflari sabab tashrifni rad etgan. Shu bilan birga, Misriga ko‘ra, Tramp Modining yil oxiriga mo‘ljallangan Quad sammitida Hindistonga tashrif buyurish taklifini qabul qilgan.

Teglar

Donald Tramp Hindiston Narendra Modi Kashmir Pokiston vositachilik

Mavzuga oid

01.11.2025 | 11:25

Rossiya Davlat dumasi Telegram va WhatsApp’da ro‘yxatdan o‘tishni bloklashni ma’qulladi

Duma qo‘mitasi Telegram va WhatsApp’da SMS orqali ro‘yxatdan o‘tishni taqiqlashni «zamon talabi» deb atadi. Deputatlar bu chora davlat messenjeri Max’ning rivojiga xizmat qilishini ta’kidladi.

02.11.2025 | 17:16

AQSH Nigeriyaga qarshi harbiy operatsiyalarga tayyorlanmoqda

AQSH prezidenti Donald Tramp Nigeriya hukumatini nasroniy aholiga qarshi zo‘ravonliklarni to‘xtatmaslikda ayblab, Pentagonga ehtimoliy harbiy operatsiyalarga tayyorlanish bo‘yicha ko‘rsatma berdi.

Bugun 09:18

Isroil Nyu York meri musulmon bo‘lganidan tashvishda

AQSHning Nyu York shtatidagi yahudiy saylovchilarning uchdan bir qismi musulmon nomzodga ovoz berdi. Bunga javoban Isroil Mamdanini qo‘llab-quvvatlagan yahudiylarni «antisemitizm»da aybladi.

Bugun 09:38

Rossiya neft eksportini 20 foizga qisqartirdi — Bloomberg

AQSHning «Rosneft» va «Lukoyl»ga qarshi sanksiyalaridan keyin Rossiyaning dengiz orqali neft eksporti keskin kamaydi — asosiy xaridorlar sotib olishni to‘xtatgan.

03.11.2025 | 10:55

Ukrainada asir tushgan shimoliy koreyaliklar Seuldan panoh so‘radi

Rossiya safida Ukrainaga qarshi jang qilgan ikki shimoliy koreyalik askar asirga tushgach, ularni Janubiy Koreyaga topshirishni iltimos qilgan. Ular o‘z vataniga qaytishdan qo‘rqmoqda.

30.10.2025 | 14:47

Tramp Si Jinping bilan uchrashuvni «10 balllik shkalada 12» deb baholadi

Janubiy Koreyaning Pusan shahrida bo‘lib o‘tgan AQSH va Xitoy yetakchilari uchrashuvi ikki davlat munosabatlarida yangi bosqichni boshladi. Donald Tramp uchrashuvni “a’lo darajada” deb atadi va Xitoy tovarlariga tariflar 57 foizdan 47 foizgacha pasaytirilishini ma’lum qildi.