Nizomiy universitetining Toshkentdagi asosiy kampusi sotuvga qo‘yildi

Bugun 11:411 daqiqa

Chilonzor tumanida joylashgan 5,6 gektarlik hududning boshlang‘ich narxi 886,6 milliard so‘m etib belgilandi. Universitet esa Yangi Toshkentda qurilayotgan yangi kampusga ko‘chiriladi.

Nizomiy universitetining Toshkentdagi asosiy kampusi sotuvga qo‘yildi

Davlat aktivlarini boshqarish agentligi Toshkent shahrining Chilonzor tumanida joylashgan Nizomiy nomidagi Milliy pedagogika universitetining asosiy kampusini xususiylashtirish uchun auksionga chiqardi.

E-auksion platformasida joylashtirilgan ma’lumotlarga ko‘ra, obyekt Bunyodkor shohko‘chasi va Kichik halqa avtomobil yo‘li kesishmasida, «Chilonzor» metro bekati yaqinida joylashgan.

Lot tarkibiga umumiy maydoni 5,64 gektar bo‘lgan yer uchastkasi hamda 25,8 ming kvadrat metr maydonni egallagan to‘rt qavatli o‘quv binosi, sport zali va boshqa yordamchi inshootlar kiritilgan. Obyekt suv, elektr energiyasi, gaz va kanalizatsiya tarmoqlari bilan ta’minlangan.

Aktivning boshlang‘ich bahosi 886,6 mlrd so‘m etib belgilangan. Auksion savdolari 20-iyul kuni soat 10:00 da o‘tkazilishi rejalashtirilgan.

Mazkur obyekt 2025 yil bahorida qabul qilingan xususiylashtirish dasturi doirasida sotuvga chiqarilmoqda. Ayni vaqtda Nizomiy nomidagi Milliy pedagogika universiteti Yangi Toshkentda barpo etilayotgan yangi kampusga ko‘chishga tayyorgarlik ko‘rmoqda.

Teglar

Yangi Toshkent xususiylashtirish auksion kampus E-auksion Davlat aktivlari agentligi Toshkent Nizomiy universiteti

Mavzuga oid

Bugun 10:55

30 yildan oshgan avtomobillar davlat tomonidan sotib olinib, utilizatsiyaga yuboriladi

2026 yildan O‘zbekistonda 30 yildan ortiq foydalanilgan avtomobillarni bozor narxida xarid qilish va utilizatsiya qilish tizimi joriy etiladi. Egalariga yangi avtomobil xaridi uchun vaucher yoki pul mablag‘i taklif qilinadi.

Bugun 08:30

Namanganda qalbaki dollar savdosi bilan shug‘ullanganlar qo‘lga olindi

Uch nafar shaxs 100 ming dollarlik qalbaki kupyuralarni haqiqiy valutaga sotishga uringan.

Kecha 15:00

43,1 mlrd dollar: Toshkent xalqaro investitsiya forumi rekord natija ko‘rsatdi

Toshkentda o‘tkazilgan bu yilgi forumda 43,1 mlrd dollarga teng 166 ta investitsiya bitimi rasmiylashtirildi. 2025-yilgi forumda 30,5 mlrd dollarlik kelishuvlarga erishilgandi.

Kecha 17:35

Migratsiya agentligi internetda tarqalgan ma’lumotlarga rasmiy munosabat bildirdi

Avvalroq xalqaro qidiruvga berilgan Tashqi mehnat migratsiyasi agentligining sobiq mulozimi Azizbek Toshtemirov Migratsiya agentligining amaldagi rahbari Behzod Musayev va sobiq rahbari Afzal Irmatovni yirik korrupsiyada ayblayotganligi haqida xabar berilgandi.

Kecha 11:15

Shavkat Umurzoqov: Toshkent ikki yilda eng xavfsiz shahar bo‘ladi

Poytaxt hokimiga ko‘ra, Olmazor, Uchtepa va Chilonzor tumanlarida so‘nggi yillarda jinoyatchilik keskin kamaygan va poytaxt yaqin bir-ikki yil ichida «Eng xavfsiz va eng raqamlashgan shahar»ga aylanadi.

Kecha 18:42