Olmazor hokimi Jazoni ijro etish departamentiga rahbar bo‘ldi

Olmazor tumani hokimi lavozimida faoliyat yuritib kelgan Azizxon Umarxonov Ichki ishlar vazirligi huzuridagi Jazoni ijro etish departamenti boshlig‘i etib tayinlandi.

Azizxon Umarxonov 2021 yil 2-avgust kuni Toshkent shahri Olmazor tumanining hokimi etib tayinlangan edi. Ushbu lavozimga qadar u Ichki ishlar vazirligining Patrul-post xizmati va jamoat tartibini saqlash bo‘yicha bosh boshqarmasini boshqarib kelgan. Mazkur davrda jamoat xavfsizligini ta’minlash va profilaktika ishlarini kuchaytirishga qaratilgan chora-tadbirlar amalga oshirilgan.

Umarxonov ichki ishlar tizimida faoliyatini 2000 yilda O‘zbekiston Ichki ishlar vazirligi akademiyasini tamomlagandan so‘ng boshlagan. Shundan buyon u turli mas’ul lavozimlarda ishlagan.

2018–2020 yillarda Azizxon Umarxonov Toshkent shahar Ichki ishlar bosh boshqarmasida jamoat tartibini himoya qilish boshlig‘i o‘rinbosari sifatida faoliyat olib borgan. Keyinchalik u vazirlik tizimida yuqori lavozimlarga ko‘tarilib, 2020 yildan yangi tayinloviga qadar Patrul-post xizmati va jamoat tartibini himoya qilish bosh boshqarmasiga rahbarlik qilgan.

Yangi lavozimda Azizxon Umarxonov jazoni ijro etish muassasalari faoliyatini muvofiqlashtirish, tizimda qonuniylik va tartibni ta’minlash hamda islohotlarni izchil davom ettirishga mas’ul bo‘ladi.