«O‘rgimchak odam: Yangi kun» ilk dam olish kunlarida 927 million dollar yig‘di

«O‘rgimchak odam: Yangi kun» filmi Shimoliy Amerika prokatida (AQSH va Kanada) ilk dam olish kunlarida 355 million dollar daromad qildi. Shu natija bilan u Gollivud tarixidagi eng muvaffaqiyatli ikkinchi debyutga aylandi. Bu haqda «Reuters» xabar berdi.

Agentlik ma’lum qilishicha, film xorijiy bozorlarda ham katta qiziqish uyg‘otib, qo‘shimcha ravishda 572 million dollar yig‘gan. Uning 121 million dollari Xitoy prokati hissasiga to‘g‘ri kelgan.

Shuningdek, «O‘rgimchak odam: Yangi kun» koronavirus pandemiyasidan keyin Shimoliy Amerikada eng yuqori kassa yig‘imiga erishgan filmlardan biri bo‘ldi. AQSH va Kanada kino bozorida eng yaxshi debyut natijasi hali ham 2019-yilda chiqqan «Qasoskorlar: Final» (Avengers: Endgame) filmiga tegishli. Film ilk uikendda 1,22 milliard dollar yig‘gan. Uchinchi o‘rinda esa 2018-yilda chiqqan «Qasoskorlar: Cheksizlik jangi» (Avengers: Infinity War) joylashgan bo‘lib, u dastlabki dam olish kunlarida 640,5 million dollar ishlagan.

Yangi «O‘rgimchak odam» filmi bosh qahramon rolini ijro etgan Tom Xolland bilan ushbu natijadan atigi 2 million dollar kam to‘plagan.

Superqahramonlar janriga qiziqish pasaygan bo‘lsa ham, film muvaffaqiyat qozondi

O‘rgimchak odam — Marvel olamidagi eng mashhur komiks qahramonlaridan biri hisoblanadi. «Reuters» ta’kidlashicha, so‘nggi yillarda tomoshabinlar orasida superqahramonlar haqidagi filmlarga qiziqish biroz pasaygan bo‘lsa-da, bu qahramon hali ham kino sanoatida katta jalb etish kuchiga ega.

«Deadline» taxminiga ko‘ra, «O‘rgimchak odam: Yangi kun» 2026-yilning eng ko‘p daromad keltirgan filmiga aylanishi mumkin. Buning uchun u hozircha 1,065 milliard dollar yig‘gan «O‘yinchoqlar tarixi 5» (Toy Story 5) multfilmining natijasidan o‘tishi kerak.

Eslatib o‘tamiz, avvalroq «Avatar» filmining uchinchisi jahon prokatida 500 million dollar to‘plagandi.