O‘zbekistonning yana bir kompaniyasi Yevropaning sanksiyalar ro‘yxatiga kiritildi

22.05.2025 | 12:2029023

Yevropa Ittifoqining 17-sanksiyalar to‘plamiga kiritilgan 75 ta kompaniya va shaxs orasida O‘zbekistondan ham yangi kompaniya bor.

O‘zbekistonning yana bir kompaniyasi Yevropaning sanksiyalar ro‘yxatiga kiritildi

Yevropa Ittifoqi tomonidan e’lon qilingan navbatdagi sanksiyalar ro‘yxatida 8 ta davlatdan 75 ta jismoniy va yuridik shaxs qayd etildi. Ular orasida Rossiya, Belarus, Xitoy, Turkiya, BAA, Serbiya va Viyetnam bilan bir qatorda O‘zbekiston ham bor. Bu galgi ro‘yxatga 2022 yilda ro‘yxatdan o‘tgan, elektron va telekommunikatsiya uskunalari hamda ehtiyot qismlarini ulgurji sotish bilan shug‘ullanuvchi Trade Engine System kompaniyasi ham kiritildi. Shu bilan Yevropaning rasmiy sanksiyalar ro‘yxatiga kiritilgan o‘zbek kompaniyalari soni beshtaga yetdi. 2023 yildan buyon YeI sanksiyalarida Alfa Beta Creative LLC, GFK Logistics Asia LLC va Mvizion LLC kabi kompaniyalar qayd etilgan edi. 2025 yil fevralidan bu ro‘yxatga Uzstanex LLC ham qo‘shilgan. Shuningdek, Ukraina hukumati ham ayrim o‘zbek kompaniyalarini o‘zining sanksiyalar ro‘yxatiga kiritgan. Ular qatorida «Ohangaronsement», qurilish texnikasi ijarasi bilan shug‘ullanuvchi Mercury Renaissance, yog‘och mahsulotlari va sellyuloza ishlab chiqaruvchi Raw Materials Cellulose hamda Farg‘ona kimyo zavodi bor.

Teglar

Yevropa Ittifoqi sanksiyalar Trade Engine System tashqi savdo

Mavzuga oid

Bugun 08:48

Rossiyaning dengiz orqali neft eksporti 20 foizga qisqardi — Bloomberg

AQSHning «Rosneft» va «Lukoyl»ga qarshi sanksiyalaridan keyin Rossiyaning dengiz orqali neft eksporti keskin kamaydi — asosiy xaridorlar sotib olishni to‘xtatgan.

31.10.2025 | 08:58

Luvrdagi o‘g‘rilik bo‘yicha Fransiyada yana besh kishi qo‘lga olindi

Parijdagi Luvr muzeyidan Napoleon davriga oid 88 mln yevroga baholangan qimmatbaho zeb-ziynatlarni o‘g‘irlash ishi bo‘yicha yana besh kishi hibsga olindi.

01.11.2025 | 08:30

Pentagon Ukrainaga Tomahawk raketalarini berishga ruxsat berdi

AQSH Mudofaa vazirligi Kiyevga Tomahawk qanotli raketalarini yetkazib berishni ma’qulladi. Endi yakuniy qarorni prezident Donald Tramp qabul qiladi.

31.10.2025 | 15:55

Yaponiya bog‘laridan Shotlandiya tog‘lari tomon yoyilgan kuz manzaralari

Kuz barglari rangga kirar ekan, go‘yoki, dunyo xaritasi ham zarg‘aldoqqa bo‘yaladi. Quyida qizil barglar shivirlayotgan, oltin o‘rmonlar sokin nafas olayotgan manzaralarni siz bilan bo‘lishamiz.

01.11.2025 | 20:25

Rossiya elektromobillarni Qrim ko‘prigidan o‘tishni taqiqladi

3 noyabrdan boshlab Qrim ko‘prigi orqali elektromobil va hibrid avtoulovlar harakati taqiqlanadi. Hukumat bu qarorni antiterror xavfsizligi talablari bilan izohlamoqda.

Bugun 10:28