«O‘zbekneftgaz» sentyabrdan AI-80 benzini ishlab chiqarishni to‘xtatadi

21.07.2025 | 12:4531483

«O‘zbekneftgaz» 2025 yil sentyabridan AI-80 benzini ishlab chiqarishni to‘liq to‘xtatadi va 2026 yildan faqat yuqori oktanli yonilg‘i turlarini ishlab chiqarish va sotishga o‘tadi. Bu qaror kompaniyaning Xitoy bilan hamkorlikda amalga oshirayotgan loyihalari va ekologiyani muhofaza qilish strategiyasi doirasida qabul qilindi.

«O‘zbekneftgaz» sentyabrdan AI-80 benzini ishlab chiqarishni to‘xtatadi

Mazkur rejaga muvofiq, «O‘zbekneftgaz» va Xitoy Xalq Respublikasi 2024 yilda yiliga 1 mln tonna AI-92 va AI-95 benzini ishlab chiqarish bo‘yicha 60/40 ulushdagi investitsiya loyihasini yo‘lga qo‘ygan. Loyiha Buxoro neftni qayta ishlash zavodida (NQIZ) amalga oshiriladi. Zavodda maxsus qo‘shilma — prisadka yordamida AI-92 benzini ishlab chiqarish bo‘yicha tajribalar o‘tkazildi. Tanlangan texnologiya orqali seriyali ishlab chiqarish yo‘lga qo‘yildi. Shu orqali, yuqori oktanli benzin tannarxini pasaytirish ko‘zda tutilgan bo‘lsa-da, aniq narxlar hali ochiqlanmagan. 2025 yilda Buxoro NQIZda jami 1 mln 30 ming tonna benzin ishlab chiqarish rejalashtirilgan. Shundan 487 ming tonnasi AI-80, qolgan 543 ming tonnasi esa AI-92+ benzinidir. AI-80 ishlab chiqarishi faqat sentyabrgacha davom etadi. Undan keyin oyiga o‘rtacha 90 ming tonna AI-92+ ishlab chiqarilishi kutilmoqda. Shu bilan, AI-80 benzini 2025 yilning o‘zida zaxiralardan to‘liq chiqarib yuboriladi va 2026 yildan bozorda faqat yuqori oktanli benzin turlari qoladi. Bu «O‘zbekiston–2030» strategiyasida ko‘zda tutilgan ekologik maqsadlarga ham mos keladi.

Teglar

Xitoy O‘zbekneftgaz AI-80 Buxoro NQIZ AI-92

Mavzuga oid

03.11.2025 | 12:55

1 mlrd so‘mlik texnik xatolik uchun HETga chora ko‘rildi

«Hududiy elektr tarmoqlari» Toshkentdagi bir korxonaga elektr energiyasi uchun 1 mlrd so‘mdan ortiq asossiz daromad hisoblagan. Raqobat qo‘mitasi HETga asossiz hisoblangan daromadni iste’molchiga qayta hisob-kitob qilish to‘g‘risida ko‘rsatma berdi.

30.10.2025 | 15:45

HUMO to‘qqiz oyda 224 mlrd so‘m, UZCARD esa 930 mlrd so‘m sof foyda oldi

2025 yilning yanvar–sentabr oylarida O‘zbekistondagi yetakchi to‘lov tizimlari foyda ko‘rsatkichlarini keskin oshirdi: UZCARD'ning sof foydasi 40 foizga, HUMO'niki esa 88 foizga o‘sgan.

02.11.2025 | 08:30

O‘zbekistonda yo‘lovchi va yuk samolyotlari QQS va bojdan ozod qilindi

Prezident Sh.Mirziyoyev qaroriga ko‘ra, mamlakat aviakompaniyalari uchun import qilinadigan yo‘lovchi va yuk samolyotlari endilikda QQS va bojxona to‘lovlaridan ozod etildi.

02.11.2025 | 21:30

O‘zbekistonda 9 oy mobaynida 30,2 trln so‘mlik kiyim-kechak ishlab chiqarildi

Hududlar bo‘yicha Andijon viloyati kiyim ishlab chiqarish yo‘nalishida yetakchilik qilmoqda.

01.11.2025 | 16:25

Tadbirkorlik subyektlari faoliyatini ixtiyoriy tugatish qanday amalga oshiriladi?

Ixtiyoriy tugatish tadbirkor yoki korxona ishtirokchilarining tashabbusi bilan amalga oshiriladi. Majburiy tugatish esa, sud yoki vakolatli organ qaroriga binoan amalga oshiriladi.

Kecha 15:25

Qoraqalpog‘istondagi tuz koniga 200 mln dollarlik investitsiyalar jalb qilinadi

Prezident qaroriga muvofiq Qo‘ng‘irot tumanidagi «Barsakelmes» tuz koni hududida tuzni qayta ishlashga ixtisoslashtirilgan yangi sanoat zonasi tashkil etiladi.