Parlament deputatlariga «Tashabbusli byudjet»da yangi huquq beriladi

«Tashabbusli byudjet» jarayonlariga ko‘ra, kelasi yildan Qonunchilik palatasi deputatlari har yili o‘z okruglarida g‘olib bo‘lmagan loyihalar orasidan ikkisini saylash imkoniyatiga ega bo‘ladi. Ushbu loyihalar avtomatik ravishda g‘olib deb topilib, respublika byudjeti hisobidan moliyalashtiriladi. Yangi tartibga ko‘ra, har bir deputat ikki mavsum uchun bir yilda ikki loyiha tanlaydi. Ular «Ochiq byudjet» axborot portalida aks ettiriladi va aholi manfaatlariga mos ravishda amalga oshirilishi shart bo‘ladi. Hukumat hisob-kitoblariga ko‘ra, buning uchun har bir deputatga yiliga bazaviy hisoblash miqdorining sakkiz ming baravari ajratiladi. Bu miqdor amalda taxminan 3,3 mlrd so‘mni tashkil etadi. Yangi tizim mahalliy aholi manfaatini ta’minlash, ijtimoiy ahamiyatli loyihalarning amalga oshishini qo‘llab-quvvatlash hamda deputatlarning mas’uliyatini kuchaytirish maqsadida joriy etilmoqda. Mazkur qadam saylovchilarning davlat boshqaruvidagi ishtiroki samaradorligini oshirishi mumkin. Shu bilan birga, mablag‘lar manzilli va samarali yo‘naltirilishi muhim ahamiyat kasb etadi.