Putin «Oreshnik» raketasi ommaviy ishlab chiqarilishini e’lon qildi

Rossiya prezidenti Vladimir Putin mamlakatda «Oreshnik» o‘rta masofali ballistik raketasining seriyali ishlab chiqarilishi boshlanganini e’lon qildi. Uning so‘zlariga ko‘ra, mazkur raketalar jang maydonida samarali sinovdan o‘tgan. Putin, Rossiya armiyasi va flotiga texnik jihatdan modernizatsiya qilish ustuvor vazifa bo‘lib qolishini, bu jarayonda yadro triadasiga alohida e’tibor qaratilishini ta’kidladi. Rossiya strategik raketa qo‘shinlari zamonaviy «Yars» raketalari bilan ta’minlanishi rejalashtirilgan. Shuningdek, 2025 yilda aviatsiya tarkibi yangi modernizatsiya qilingan Tu-160M raketa tashuvchi samolyotlari bilan to‘ldiriladi. Putinning ma’lum qilishicha, «Oreshnik» raketasi jang maydonida sinovdan muvaffaqiyatli o‘tgan va endi uni ommaviy ishlab chiqarish jarayoni boshlangan. Bundan tashqari, Rossiya harbiy-dengiz floti tarkibiga yangi, so‘nggi avlod yuqori aniqlikdagi qurollar bilan jihozlangan kemalar va suvosti kemalari kiritilishi rejalashtirilmoqda. Rossiya rahbari mamlakatining armiya va qurol-yarog‘ini rivojlantirishga katta sarmoya kiritishga majbur bo‘layotganini G‘arb davlatlari va NATO bilan bog‘ladi. U NATO navbatdagi sammitida alyans salohiyatini kengaytirish bo‘yicha yirik dasturni boshlashni rejalashtirayotganini va bu maqsadda harbiy xarajatlar oshirilishini ta’kidladi. Putinning so‘zlariga ko‘ra, Rossiya o‘z xavfsizligini ta’minlash uchun barcha zarur choralarni ko‘radi va armiyani suverenitet kafolati sifatida mustahkamlashda davom etadi. SIPRI ma’lumotlariga ko‘ra, 2025 yil yanvar holatiga Rossiya 592 ta strategik raketa tashuvchiga ega bo‘lgan. Ularning 333 tasi quruqlikda joylashgan bo‘lib, shu jumladan 206 ta «Yars» raketasi to‘rtta 250 kilotonna quvvatga ega bo‘lgan bosh qismi bilan jihozlangan.