«Samarkand-2028» sun’iy yo‘ldoshi ertaga fazoga uchiriladi

Bugun 08:301 daqiqa

O‘zbekiston nomi berilgan giperspektral sun’iy yo‘ldoshi 5-avgust kuni Xitoydan orbitaga uchiriladi.

«Samarkand-2028» sun’iy yo‘ldoshi ertaga fazoga uchiriladi

Ertaga, 5-avgust kuni Xitoyning Shandun viloyati sohillari yaqinidagi dengiz start platformasidan «STAR.VISION» kompaniyasi tomonidan «Samarkand-2028» va «Lampung-1» giperspektral sun’iy yo‘ldoshlari orbitaga uchiriladi.

«Samarkand-2028» missiyasi «O‘zbekkosmos» agentligi va «STAR.VISION» kompaniyasi o‘rtasida imzolangan strategik memorandum doirasida amalga oshirilmoqda. Loyiha O‘zbekistonning kosmik texnologiyalar va sun’iy intellekt sohasidagi xalqaro hamkorligining amaliy natijasi sifatida baholanmoqda.

Sun’iy yo‘ldoshga «Samarkand-2028» nomi 2028 yilgi Xalqaro astronavtika kongressini Samarqand shahrida o‘tkazish haqida qabul qilingan qaror sharafiga berilgan.

Sun’iy intellekt bilan ishlaydi

Loyiha doirasida «O‘zbekkosmos» agentligi mutaxassislari sun’iy yo‘ldosh borti uchun maxsus sun’iy intellekt modulini ishlab chiqqan.

Mazkur modul giperspektral ma’lumotlarni bevosita orbitaning o‘zida qayta ishlash imkonini beradi. Bu esa Yer yuzasini masofadan zondlash samaradorligini sezilarli darajada oshirishi kutilmoqda.

Olinadigan ma’lumotlardan qishloq xo‘jaligi, ekologiya, tabiiy resurslarni monitoring qilish va boshqa sohalarda foydalanish rejalashtirilgan.

Startga tayyorgarlik yakunlanmoqda

Ma’lum qilinishicha, raketa allaqachon start kemasi bortiga joylashtirilgan va uchirish hududi tomon yo‘l olgan.
Hozirda barcha tayyorgarlik ishlari belgilangan reja asosida davom etmoqda. Uchirish 5-avgust kuni amalga oshirilishi rejalashtirilgan.

Teglar

kosmos O‘zbekkosmos texnologiya sun’iyyo‘ldosh STARVISION Samarqand2028

Mavzuga oid

Kecha 22:17

Transport imtiyozini olish tartibi o‘zgaradi

Qog‘oz talonlar bekor qilinib, imtiyozlardan foydalanish ID-karta va «Baraka» ilovasiga o‘tkaziladi.

Kecha 22:43

Pensiya stajini 15 yilga, ijtimoiy badalni 4,5 baravarga oshirish taklifi Olmazordagi o‘pirilish bo‘yicha ochilgan jinoyat ishi va O‘zbekistonning farovonlik reytingidagi o‘rni — 3-avgust dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 20:20

«O‘zbekgeofizika»ni modernizatsiya qilishga 38,8 mln dollar yo‘naltiriladi

Markazda zamonaviy superkompyuter majmuasi o‘rnatiladi, yangi dasturiy ta’minotlar xarid qilinib, seysmik tadqiqotlarda sun’iy intellektdan keng foydalanish yo‘lga qo‘yiladi.

Kecha 20:00

«Newport» qurilishi doirasida uyidan majburan ko‘chirilgan fuqarolar ishi bo‘yicha rasmiy izoh berildi

Toshkent shahrining Yakkasaroy tumanida yashovchi fuqarolar «Newport» qurilishi doirasida o‘z uylaridan majburan chiqarib yuborilgani va bu bo‘yicha Prezident Administratsiyasi rahbariga videomurojaat yo‘llagani ortidan shahar prokuraturasi tekshiruv boshladi.

Kecha 17:20

Olmazordagi hodisa bo‘yicha jinoyat ishi ochildi

Ushbu qurilishga aloqador MCHJ mansabdor shaxslarining xatti-harakatlarida Jinoyat kodeksining 2 ta moddasida nazarda tutilgan jinoyat alomatlari mavjudligi aniqlangan.

Kecha 21:05

Omonatlarga soliqdan keshbekni bekor qilishgacha: Fiskal muloqotda nimalar taklif qilindi?

Bank omonatlariga 5 foizlik soliq joriy etish, 1 foizlik keshbekni bekor qilish, uglerod solig‘i, palma yog‘iga aksiz va minimal ish haqini oshirish: Fiskal tahlillar instituti 2027 yil uchun ilgari surgan eng muhim takliflarni Vaqt.uz bir maqolaga jamladi.