Samarqandda ayrim ko‘chalarda tajriba sifatida bir tomonlama harakat joriy etilmoqda

Xalq deputatlari Samarqand shahar Kengashining joriy yil 26-sentyabr kuni qabul qilingan qaroriga muvofiq, 1oktyabrdan boshlab, bir oy muddat davomida Samarqand shahrining quyidagi ko‘chalarida bir tomonlama harakatlanish tartibi sinov tariqasida joriy etiladi:

• Mahmud Қошғарий ko‘chasi – Bobur Mirzo ko‘chasidan Husayn Boyqaro ko‘chasigacha;
• Abdurahmon Jomiy ko‘chasi – Husayin Boyqaro ko‘chasidan Universitet xiyobonigacha;
• Orzu Mahmudov ko‘chasi – Universitet xiyobonidan O‘zbekiston ko‘chasigacha;
• Ko‘ksaroy maydoni – Viloyat hokimligi ma’muriy binosidan Ulug‘ Tursunov ko‘chasigacha;
• Shohrux Mirzo ko‘chasi – Universitet xiyobonidan Ulug‘ Tursunov ko‘chasigacha;
• Husayn Boyqaro ko‘chasi – Mahmud Qoshg‘ariy ko‘chasidan Bo‘stonsaroy ko‘chasigacha;
• Chuquryo‘l ko‘chasi – Mahmud Qoshg‘ariy ko‘chasi tutashmasidan Husayin Boyqaro ko‘chasi kesishmasigacha;
• Ulug‘ Tursunov ko‘chasi – Shohrux Mirzo ko‘chasidan Bo‘stonsaroy ko‘chasigacha;
• Yusuf Hamadoniy ko‘chasi – Mirzo Ulug‘bek ko‘chasidan Husayn Boyqaro ko‘chasigacha;

Bu o‘zgarishlar shaharda tirbandliklarni oldini olish va harakat xavfsizligini ta’minlash maqsadida amalga oshirilmoqda, deb xabar bermoqda Samarqand shahar hokimligi axborot xizmati.