Samarqandda jamoat transportida yo‘lkira narxi 1000 so‘mga oshirilmoqda

Bugun 20:551 daqiqa

Qolaversa, yaqin kunlarda jamoat transportida yo‘l haqini naqd pul orqali to‘lash mutlaqo bekor qilinadi.

Samarqandda jamoat transportida yo‘lkira narxi 1000 so‘mga oshirilmoqda

Samarqand shahrida 1-maydan jamoat transportida yo‘lkira narxi oshiriladi. Bu haqdagi qaror Xalq deputatlari viloyat Kengashining 23-aprel kuni bo‘lib o‘tgan sessiyasida qabul qilindi.

Qarorga ko‘ra, 1-maydan avtobus, elektrobus va tramvayda yo‘l haqi naqd pul (QR kodli chipta) orqali to‘langanda 4 ming so‘mni tashkil etadi. Bu amaldagi tarifga nisbatan 1 ming so‘mga oshirilgan. Shu bilan birga, transport va bank kartasi orqali to‘lov qilinganda narx o‘zgarmaydi – 2 ming so‘mligicha qoladi.

Bundan tashqari, mutasaddilarga jamoat transporti harakatini barcha yo‘nalishlarda soat 22:00 gacha uzaytirish, turistik yo‘nalishlarda esa 24 soat davomida ta’minlash vazifasi yuklatildi.

Shuningdek, Samarqand shahrida yo‘lovchilarga xizmat ko‘rsatish sifatini oshirish maqsadida, yaqin kunlarda jamoat transportida yo‘l haqi to‘lovi naqd pul orqali to‘liq bekor qilinadi.

Teglar

jamoat transporti Samarqand shahri yo‘lkira

Mavzuga oid

Bugun 17:17

«Telegram»da zararli dasturlarni sotish bilan shug‘ullangan shaxs qo‘lga olindi

Toshkent viloyatida 2005 yilda tug‘ilgan fuqaro tomonidan yaratilgan zararli APK dasturlarni sotish holati aniqlanib, unga nisbatan jinoyat ishi qo‘zg‘atildi.

Kecha 22:28

Farg‘onada bir qator hududlarga yangi hokimlar tayinlandi

Farg‘ona viloyatining Beshariq, O‘zbekiston tumani va Marg‘ilon shahrida rahbarlar almashdi.

Kecha 23:03

7 millionga yaqinlashgan o‘rtacha ish haqi, ekologiyaga 8,5 milliard so‘mdan ortiq zarar va har uchtadan bittasi ajralish bilan tugayotgan nikohlar — 28-aprel dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Bugun 17:30

«Gumbaz» bozorida yong‘in bo‘lmoqda

Voqea joyiga o‘t o‘chiruvchilar yetib borgan.

Bugun 19:29

«Har oltinchi oila barbod bo‘lmoqda». O‘zbekistonda ajralishlar soni nima sababdan o‘syapti va tizimli yechimlar qanday bo‘lishi kerak?

So‘nggi yillarda O‘zbekistonda oilaviy ajralishlar va maishiy zo‘ravonlik masalasi eng og‘riqli ijtimoiy muammolardan biriga aylandi. Statistika agentligi ma’lumotlariga ko‘ra, mamlakatda nikohlar soni qatorasiga to‘rtinchi yil pasaymoqda, ajralishlar ko‘rsatkichi esa muttasil o‘syapti. Quruq raqamlar ortida yashiringan ijtimoiy-iqtisodiy sabablar, yopiq eshiklar ortidagi reallik va institutsional bo‘shliqlar – maqola tahlilida.

Bugun 20:22