To‘qayev Pokistonda: uni qiruvchi samolyotlar kuzatib bordi

Bugun 18:202 daqiqa

Qozog‘iston Prezidenti davlat tashrifi bilan Islomobodga bordi. Shu haftada O‘zbekiston Prezidentining ham ushbu davlatga tashrifi kutilmoqda.

To‘qayev Pokistonda: uni qiruvchi samolyotlar kuzatib bordi

Bugun, 3-fevral kuni Qozog‘iston prezidenti Qosim-Jomart To‘qayev davlat tashrifi bilan Pokistonga yetib bordi. Bu haqda Oqo‘rda matbuot xizmati xabar berdi.

Qayd etilishicha, Pokiston havo hududida Qozog‘iston prezidenti samolyotini Harbiy havo kuchlari samolyotlari kuzatib bordi.

Qozog‘iston prezidenti Qasim-Jomart Toqayevning Islomobodga tashrifi 3–4-fevral kunlariga rejalashtirilgan. Tashrif doirasida bosh vazir Shahboz Sharif va prezident Asif Ali Zardari bilan muzokaralar o‘tkaziladi. Muzokaralarda siyosiy, savdo-iqtisodiy hamda madaniy-gumanitar hamkorlikni mustahkamlash istiqbollari muhokama qilinadi. To‘qayev qozog‘iston-pokiston biznes forumida ham ishtirok etadi.

Uning ortidan 2026 yilning 5–6-fevral kunlari O‘zbekiston Respublikasi prezidenti Shavkat Mirziyoyevning ham rasmiy tashrif bilan Pokistonda bo‘lishi kutilmoqda. «Business Recoreder» nashrining yozishicha, Pokiston bosh vaziri Shahboz Sharif tayyorgarlik ishlarini shaxsan nazorat qilib, barcha idoralarga tashrif doirasidagi tadbirlarni o‘z vaqtida yakunlash bo‘yicha topshiriq bergan.

Transafg‘on temiryo‘li — asosiy loyiha

Kun tartibidagi strategik loyihalardan eng muhimi — Transafg‘on temir yo‘lidir. Ushbu yo‘lak Markaziy va Janubiy Osiyoni bog‘lab, yuk yetkazib berish muddatini 3–5 kungacha qisqartirish va xarajatlarni 40 foizga kamaytirish imkonini beradi. 2025 yilda loyiha bo‘yicha texnik asoslar tayyorlanib, moliyalashtirish masalalari muhokama qilingan.

Investitsiya va sanoat hamkorligi

Shuningdek, tashrif doirasida Islomobodda O‘zbekiston–Pokiston biznes forumi va «Madye in Uzbekistan» ko‘rgazmasi o‘tkazilib, to‘qimachilik, farmatsevtika, tog‘-kon va qishloq xo‘jaligi sohalarida yangi qo‘shma loyihalar muhokama qilinadi. Tashrif yakunlarida ikki davlat o‘rtasida hamkorlikni muvofiqlashtiruvchi Strategik sheriklik oliy kengashini tashkil etish rejalashtirilgan.

Teglar

Qozog‘iston Shavkat Mirziyoyev Pokiston To‘qayev Shahboz Sharif O‘zbekiston

Mavzuga oid

Bugun 13:55

AQSHning Rossiyaga qarshi rejasi: Hindiston bilan kelishuv ish beradimi?

Trampning Hindiston bilan kelishuviga ko‘ra, endi Nyu Dehli Rossiya nefti o‘rniga Venesuelanikini sotib oladi. Rejaga muvofiq Moskva daromad manbaidan mahrum bo‘ladi. Ammo bunda bir muammo bor.

Bugun 08:15

Rossiyada bank inqirozi boshlandi: iqtisodchilar bong urmoqda

Kremlga yaqin tahlilchilar bank tizimida inqiroz alomatlari rasman qayd etilganini ma’lum qildi.

Bugun 09:00

Epshteyn fayllari: 3 mln hujjat orasida O‘zbekiston va Qozog‘iston bilan bog‘liq yozishmalar ham bor

«Epshteyn ishi» deb nom olgan ushbu ulkan to‘plamda nafaqat yirik siyosatchilar va milliarderlar, balki Markaziy Osiyo, xususan, O‘zbekiston va Qozog‘iston bilan bog‘liq maxfiy yozishmalar ham paydo bo‘ldi.

Kecha 22:10

AQSH Rossiyaning Afrikadagi ta’siriga qarshi harakat boshladi

Vashington Sahel mintaqasidagi «shaxmat taxtasi»da kutilmagan yurishni amalga oshirdi. Oq uy an’anaviy demokratiya darslarini chetga surib, Rossiyaning mintaqadagi harbiy monopoliyasini jilovlash uchun muloqotga tayyor.

Bugun 15:45

Klintonlar Epshteyn ishi bo‘yicha ko‘rsatma berishga rozi bo‘ldi

AQSHning sobiq prezidenti Bill Klinton va uning rafiqasi, sobiq davlat kotibi Hillari Klinton Epshteyn ishi bo‘yicha Vakillar palatasining Nazorat qo‘mitasi oldida ko‘rsatma berishga rozi bo‘ldi. Bu qaror ularning sudga kelmaslik uchun jinoiy javobgarlikka tortilishi mumkinligi tahdidi fonida qabul qilindi.

Bugun 14:14

Rossiya Afg‘onistondan migrantlarni jalb qilmoqchi

Rossiya va Afg‘oniston afg‘on mehnat migrantlarini jalb etish masalasini muhokama qilmoqda. Kobul Rossiyaga kadrlar tanqis bo‘lgan sohalar uchun malakali mutaxassislarni yo‘naltirishni rejalashtirmoqda.