Toshkentda uylarning narxi tushdi — depozitlar yanada foydaliroq bo‘lmoqda

Uylarni ijaraga berishdan tushadigan o‘rtacha daromad ham pasayib, 10,9% dan 8,5% gacha tushdi. Uy narxlari o‘rtacha 2,4% arzonlashgani qayd etilgan. Hatto ayrim tumanlarda, masalan, Uchtepa va Olmazorda 2–4 xonali uylar ijarasi zararga ishlagan. Shu bilan birga, Shayxontohur va Yakkasaroy kabi qimmat tumanlarda investitsiya hali ham foyda keltirmoqda — 1 xonali uylarda 25,1%, 3 xonali uylarda esa 16,8% daromad saqlanib qolgan. Mutasaddilar fikricha, ushbu vaziyatda milliy valyutadagi muddatli depozitlar aholi uchun ko‘proq qiziqish uyg‘otmoqda. Chunki ayni paytda ular bo‘yicha foiz stavkalari 22% atrofida. Ma’lumot uchun, 2025 yil fevralidan boshlab bir bankdagi bitta omonatchi uchun to‘lanadigan kafolatlangan kompensatsiya summasi 200 million so‘mgacha oshirilgan.