«Toshturma»da necha kishi saqlanmoqda?

Kecha 18:381 daqiqa

Vaqt.uz jurnalisti Toshkent viloyatining Zangiota tumanida joylashgan IIV huzuridagi Jazoni ijro etish departamenti Markaziy tergov hibsxonasi sharoitlari bilan tanishish uchun ushbu muassasaga bordi. Jurnalist tashrif davomida u yerda qancha kishi saqlanayotgani bilan qiziqdi.

Xalq tilida «Toshturma» deya ataladigan Toshkent viloyatining Zangiota tumanida joylashgan Ichki ishlar vazirligi huzuridagi Jazoni ijro etish departamenti Markaziy tergov hibsxonasida 3800 dan ortiq kishi saqlanmoqda. Bu haqdagi ma’lumotni departament boshlig‘i polkovnik Azizxon Umarxonov 30-iyul kuni Vaqt.uz jurnalistiga ochiqladi.

IIV mulozimining aytishicha, saqlanayotganlarning 165 nafari ayollar, 68 nafari voyaga yetmaganlar hamda 63 nafari chet el fuqarolari. Hibsxonada bolali ayollar ham mavjud bo‘lib, ular hozirda 4 kishi. Umarxonovning so‘zlariga ko‘ra, ularga alohida xona beriladi.

«Albatta ularga alohida xona beriladi», — urg‘ulaydi polkovnik.

U «Toshturma»da voyaga yetmaganlar saqlanadigan 9 ta alohida kamera mavjudligini ham qo‘shimcha qildi.

Ma’lumot uchun, ilgari (1891-yildan boshlab) bu tergov hibsxonasi Toshkent shahrining Yunusobod tumanida joylashgan edi. Uni chor Rossiyasi davrida toshdan qurishgani uchun xalq uni «Toshturma» deb atab kelgan. 2018-yilning yanvar oyida Yunusoboddagi eski binoda sharoitlar talabga javob bermagani uchun u butunlay buzildi. Barcha mahbuslar va xodimlar Toshkent viloyati Zangiota tumanida yangi qurilgan zamonaviy binoga ko‘chirildi.

Eslatib o‘tamiz, avvalroq eski «Toshturma» hududi sanoat kompaniyasiga berilgani oshkor bo‘lgandi. U yer xiyobon bo‘lishi kerak edi.

Teglar

IIV Toshkent viloyati tergov hibsxonasi Zangiota hibsxona Toshturma O‘zbekiston mahbuslar Azizxon Umarxonov Jazoni ijro etish departamenti

Mavzuga oid

29.07.2026 | 23:15

OAVdan yashirilgan yirik sudlar, 14 foizda qolgan asosiy stavka va Toshkent atrofida quriladigan 1 mlrd dollarlik yo‘l — 29-iyul dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

29.07.2026 | 19:55

Past daromadli oilalar pulining uchdan bir qismini ta’limga sarflaydi – tadqiqot

Kam ta’minlangan oilalar ta’lim uchun o‘z daromadining nisbatan katta qismini sarflayotgan bo‘lsa-da, lekin ular farzandlarining minimal bilim darajasiga erishishi boyroq oilalar farzandlariga nisbatan 3 barobar past. Ijtimoiy siyosat laboratoriyasi O‘zbekistonda ta’limdagi tengsizlikka ta’sir qilayotgan omillarni o‘rgandi.

29.07.2026 | 20:30

Toshkent tumanlari sanoat zonalariga bog‘lanadi: Investorlarga yangi yer maydonlari ajratiladi

Toshkentni rivojlantirish bo‘yicha Prezident qarori qabul qilindi. Hujjatga ko‘ra, poytaxt tumanlariga sanoat zonalaridan yer maydonlari ajratiladi, Olmazorda Kreativ park hamda 24 soatlik sayilgohlarda «Kitob ko‘chalari» tashkil etiladi.

29.07.2026 | 21:30

Toshkentda «Salar» kanalini ifloslantirgan quruvchi kompaniya 2,2 milliard so‘mlik jarimaga tortildi

3-iyul kuni Yakkasaroydagi ko‘p qavatli bino qurilishida kanalizatsiya quvuri o‘pirilib tushgandi.

Kecha 18:20

«Xalq banki» reklama va kreativ xizmatlar uchun 15 mlrd so‘mdan oshiq tender o‘tkazmoqda

Mablag‘ning qariyb 10 mlrd so‘mi bank mahsulotlarini TVda reklama qilishga yo‘naltiriladi. Yana 4,2 mlrd so‘mga kreativ platforma va videoroliklar ishlab chiqish, 925 mln so‘mga esa Toshkentdagi LED ekranlarga reklama joylashtirish rejalashtirilgan. Texnik topshiriqlarda ayrim bir-biriga mos kelmaydigan talablar ham bor.

Kecha 16:35

Toshkent shahrida to‘rtta ramziy darvoza quriladi

Poytaxtdagi «Chorsu» va «Eski Juva» rekonstruksiya qilinib, shaharda to‘rtta ramziy darvoza, «Yoshlar shaharchasi», ekobog‘lar va yangi turistik maskanlar quriladi.